ەكولوگيا جانە تابيعي رەسۋرستار مينيسترلىگىنىڭ مالىمەتىنشە, جەرگىلىكتى ۋاقىت بويىنشا ساعات 20:30-دا ەلدەگى ۇيلەردە, كەڭسەلەردە جانە كوشەلەردە عيماراتتاردىڭ جارىقتارى ءبىر ساعاتقا ءسوندىرىلدى.
ايتا كەتەيىك, «جەر ساعاتى» – دۇنيەجۇزىلىك جابايى تابيعات قورى (WWF) باستاماسىمەن وتەتىن جىل سايىنعى حالىقارالىق اكتسيا. شارا اياسىندا ۇيىم الەم تۇرعىندارىن جارىق پەن تۇرمىستىق ەلەكتر قۇرالدارىن ءبىر ساعاتقا وشىرۋگە شاقىرادى. سونىمەن قاتار الەمدەگى تانىمال عيماراتتار مەن ەسكەرتكىشتەردىڭ جارىعى دا سوندىرىلەدى.
قازاقستان بۇل اكتسياعا 17-ءشى رەت قوسىلىپ وتىر. بيىل ەل بويىنشا 500-دەن استام نىسان, ونىڭ ىشىندە اقوردا رەزيدەنتسياسى, «بايتەرەك» مونۋمەنتى, تاۋەلسىزدىك سارايى, «ازىرەت سۇلتان» مەشىتى, سپورت جانە ءبىلىم بەرۋ نىساندارى, وندىرىستىك مەكەمەلەر شاراعا قاتىستى.
«جەر ساعاتى» – الەمدەگى ەڭ اۋقىمدى ەكولوگيالىق ناۋقان. وعان 180 ەلدىڭ 7000-نان استام قالاسىنان 2 ميللياردتان استام ادام قاتىسادى. 2026 جىلى اكتسيا 19-شى رەت ۇيىمداستىرىلدى.
اكتسيانىڭ نەگىزگى ماقساتى – تابيعات پەن پلانەتا رەسۋرستارىنا جاۋاپكەرشىلىكپەن قاراۋ قاجەتتىلىگىنە نازار اۋدارۋ.
