سايلاۋ ۋچاسكەلەرىندە ءىشى كەڭ ارنايى كابينالار ورناتىلدى.
بارلىق سايلاۋ ۋچاسكەلەرى ءبىرىنشى قاباتتا ورنالاسقان. كوزى كورمەيتىن مۇگەدەكتەر ءۇشىن ءبرايلدىڭ بەدەرلى-نۇكتەلى قارپىن قولدانا وتىرىپ, بيۋللەتەندى ءوز بەتىنشە تولتىرۋعا ارنالعان ارنايى ترافارەتتەر ازىرلەندى.
«الماتى قالاسى بويىنشا ءماجىلىس پەن ماسليحاتقا ارنالعان ەكى بيۋللەتەن بولادى. بۇل رەتتە كوزى كورمەيتىن ادامدار ءۇشىن دە ەكى ترافارەت قويىلادى. بۇل وتە ماڭىزدى. زاعيپ دوستارىڭىز, نە تۋىستارىڭىز بولسا, مۇنى ەسكەرتكەندەرىڭىز ءجون. ءماجىلىس بويىنشا بيۋللەتەندە تاكتيلدىك ءتورتبۇرىش, ءماسليحات بويىنشا دوڭگەلەك تىلىكتەر بولادى. بۇل تاقىرىپتا ارنايى روليك دايىندالدى, ول سايلاۋ ۋچاسكەلەرىندە كورسەتىلەدى», – دەپ اتاپ ءوتتى ج.اسانوۆا.
