وسى جىلدىڭ قاڭتار ايىنان باستاپ مۇگەدەكتەر ءۇشىن وڭالتۋ قۇرالدارىنىڭ 55 تەحنيكالىق ءتۇرى مەن قىزمەتتەرى قولجەتىمدى. اتاپ ايتقاندا, ساناتوري-كۋرورتتىق ەمدەۋ, پروتەز-ورتوپەديالىق كومەك, جەكە كومەكشىنىڭ جانە ىمداۋ ءتىلى مامانىنىڭ الەۋمەتتىك قىزمەتتەرى وسى پورتال ارقىلى ىسكە اسادى.
وڭىردە مۇمكىندىگى شەكتەۋلى جاندارعا قاجەتتى وڭالتۋ قۇرىلعىلارىن الۋعا بولىنگەن قارجى دا كوبەيگەن. ياعني وڭالتۋدىڭ تەحنيكالىق قۇرالدارى مەن قىزمەتتەردى قامتاماسىز ەتۋگە رەسپۋبليكالىق جانە وبلىستىق بيۋدجەتتەن 1,4 ملرد تەڭگە بولىنگەن. بۇل وتكەن جىلمەن سالىستىرعاندا 1,5 ەسەگە كوپ.
ماسەلەن, پيلوتتىق نەگىزدە الەۋمەتتىك قىزمەتتەر پورتالى ارقىلى 11 مۇگەدەك ىمداۋ ءتىلى قىزمەتىن, 10 ادام جەكە كومەكشىنىڭ الەۋمەتتىك قىزمەتىن, 11 ادام ساناتورلى-كۋرورتتىق ەمدەۋ قىزمەتىن العان.
ايتا كەتۋ كەرەك, وبلىستا 30 مىڭنان استام مۇمكىندىگى شەكتەۋلى جان تۇرادى, ونىڭ 5 مىڭى بالالار.
