بۇل كەزدەسۋ قوس كوماندا ءۇشىن دە ماڭىزدى ەدى. سەبەبى, جارىس كەستەسىندە ولار قاتار كەلەدى. ياعني, وسى جولى جەڭگەن ۇجىم پلەي-وففقا ءبىر قادام جاقىنداي تۇسەدى. سونى قاپەرگە مىقتاپ تۇيەگەن ويىنشىلار مۇز ايدىنىندا بارىن سالدى. العاشىندا قوناقتار الىمدى كورىندى. 16-مينۋتتا مەتتيۋ فرەتتين, ىلە-شالا داررەن ديتس قوس گولدى قاقپاعا توعىتسا, كوپ ۇزاماي انتون شەنفەلد ەسەپ ايىرماشىلىعىن قىسقارتتى. ۇزىلىستەن كەيىن جاعداي وزگەرگەن جوق. ءۇشىنشى كەزەڭنىڭ اياقتالۋىنا ءبىر مينۋتتان ءسال عانا اسا ۋاقىت قالعاندا ميحايل ۆارناكوۆ تارازى باسىن تەڭەستىردى.
ال قوسىمشا ۋاقىت باستالعان بەتتە ياكۋب ليليا سوققان شايبا قازاقستاندىق كومانداعا جەڭىس سىيلادى – 3:2. ءوزىنىڭ كەلەسى ويىنىن «بارىس» 23 جەلتوقسان كۇنى ومبىدا «اۆانگاردقا» قارسى وتكىزەدى.
