ۇزاق مەرزىمدى «الماتى-2050» دامۋ ستراتەگياسىنداعى باستى باعىتتاردىڭ ءبىرى – كرەاتيۆتى يندۋستريالاردى دامىتۋ. قالا اكىمى ساعىنتاەۆ Instagram پاراقشاسىندا Alatau Creative HUB الماتىداعى كرەاتيۆتى يندۋستريالاردى دامىتۋدىڭ العاشقى قادامى ەكەنىن جازادى.
«قالا ەكونوميكاسىنىڭ قۇرىلىمىن ءارتاراپتاندىرۋ ءۇشىن قاجەتتى جاڭا تاۋاشالار قۇرىلۋدا. شىعارماشىلىق تۇرعىدا ءوزىن دامىتىپ, ەڭبەك ناتيجەلەرىن مونەتيزاتسيالاۋ ءۇشىن بارلىق جاعداي جاسالعان. ماركەتينگ-قۇرالدار, PR, يۆەنتيكا كەشەنى ۇسىنىلىپ وتىر. مۇندا باسپا ءۇيى, كىتاپ دۇكەندەرىمەن بايلانىس ورناتىپ, ءونىمدى جىلجىتۋ بويىنشا ءىس-شارالار وتكىزۋگە كومەكتەسەدى. ەگەر شىعارماشىلىق يدەياڭىزدى جۇزەگە اسىرعىڭىز كەلسە, Alatau Creative HUB-قا قوش كەلدىڭىز», دەپ اتاپ ءوتتى شاھار باسشىسى ساعىنتاەۆ.
سونداي-اق كرەاتيۆتى دارىندار ايماعىنا زاماناۋي كىتاپحانا, كوۆوركينگ-كەڭىستىك, بالالارعا ارنالعان تەگىن 25 شىعارماشىلىق ۇيىرمە, ماستەر-كلاستار مەن پرەزەنتاتسيالارعا ارنالعان الاڭ, مەدياتەكا كىرەدى. ۇيىرمەلەر اراسىندا مۇرات مۇتىرعانوۆتىڭ «سەن جۇلدىزسىڭ» تسيرك ونەرى مەكتەبى جانە ديانا شاراپوۆانىڭ ۆوكالدىق مەكتەبى بار.
ونەردىڭ زاماناۋي تۇرلەرىنەن وزگە حاب-تا كرەاتيۆتى فورماتتا حالىقتىق داستۇرلەردى ۇيرەنۋگە بولادى. «ArtBit» وقۋ-كورمە ورتالىعىندا ونەر مەن مادەنيەتتەگى جاڭا تەحنولوگيالارعا باسىمدىق بەرىلگەن.
ەكىنشى قاباتتا ءىت-زەرتحانا قۇرىلۋدا, سونىمەن قاتار مۇندا ستارتاپتار مەن ءىت-ينكۋباتور MOSت, Element باعدارلامالاۋ مەكتەبى, ELTEX راديوەلەكترونيكا ورتالىعى, First Lego League روبوت تەحنيكاسى مەكتەبى جانە ستەنفورد ۋنيۆەرسيتەتىندەگى حاسسو پلاتتنەردىڭ ديزاين ينستيتۋتىنىڭ تاجىريبەسى بويىنشا قۇرىلاتىن SDU كومپەتەنتسياسىنىڭ تاقىرىپتىق ورتالىعى ورنالاساتىن بولادى.
قالا اكىمى مۇنداي ورتالىقتار الماتىنىڭ بارلىق اۋداندارىندا قۇرىلاتىندىعىن اتاپ ءوتتى. كەلەر جىلى المالى اۋدانىندا جەكە ينۆەستورلار كوۆوركينگ جانە Academie One باعدارلامالاۋ مەكتەبى مەن FIFTY FOUR ('54) بيزنەس-كەڭىستىگى ءۇشىن ارنايى ءۇي-جاي دايىنداۋدا. بوستاندىق اۋدانىندا «تەحنودوم» كوپسالالى ورتالىعىنىڭ بازاسىندا IT-ستارتاپتارعا ارنالعان كوۆوركينگ-ورتالىق اشىلادى.
توقسان سايىنعى ەسەپ بويىنشا, 2020 جىلدىڭ 9 ايىندا الماتىدا كورسەتىلگەن قىزمەتتەردىڭ جالپى كولەمى 1,4 ترلن تەڭگەنى قۇرادى. ونىڭ ۇستىنە, كرەاتيۆتى ەكونوميكا قىزمەتتەرىنىڭ كولەمى 605,6 ملرد تەڭگەگە جەتىپ, وڭدەۋ ونەركاسىبىندەگى ءوندىرىس كولەمىنەن وزىپ ءوتىپ, 568 ملرد تەڭگەنى قۇرادى.
كرەاتيۆتى ەكونوميكاعا اقپاراتتىق قىزمەت, باسپا, جارناما, كينوفيلمدەر ءوندىرىسى, عىلىمي زەرتتەۋلەر, ساۋلەت, ديزاين جانە شىعارماشىلىق قىزمەتتىڭ باسقا دا تۇرلەرى كىرەدى.
