ال جاقىندا قازاقتىڭ قايتالانباس دارىنى امىرە قاشاۋباەۆ ءان سالعان پاريج قالاسىندا وتكەن «ETOILES DE PARIS 2026» حالىقارالىق ونەر بايقاۋىندا ونەر كورسەتتى. جاس تالانتتار ونەر دوداسىندا داۋىلپاز اقىن ماحامبەتتىڭ «ەي, ماحامبەت, جولداسىم!» تەرمەسىن, اسىلحان بۇلتانوۆتىڭ «قازاق ەلى جاساسىن!» ءانىن ورىنداپ, باس جۇلدەنى يەلەندى.
انسامبل جەتەكشىسى اسەم باقىتوۆانىڭ ايتۋىنشا, شەتەلدەگى دوداعا 10–14 جاستاعى 15 وقۋشى العاش رەت قاتىسقان. ونەرلى وقۋشىلارعا قازاقتىڭ رۋحىن جانيتىن, وتانشىلدىق سەزىمىن قالىپتاستىراتىن تۋىندىلار تاڭدالعان.
«وقۋشىلار ەل ساحناسىنا ۇيرەنىپ قالعان عوي. جاس ونەرپازدارعا شەتەلدە ونەر كورسەتۋ وڭاي ەمەس. ويتكەنى شەتەلدىكتەردىڭ تالعامى جوعارى بولعاندىقتان, دومبىرامەن تەرمە ورىنداتۋدى ۇيعاردىق. دەگەنمەن, ءبىزدىڭ ءانسامبلدىڭ بۇل جەتىستىگى كەزدەيسوق ەمەس. بۇدان بۇرىن اقتوبەدە «جاسStar», تۇركىستاندا «دارابوز», الماتىدا وتكەن «اتادان مۇرا» قورىنىڭ سۋپەرفينالىندا باس جۇلدەگە يە بولعان ەدى», دەيدى اسەم باقىتوۆا.
جاس ونەرپازدار ەلگە ورالار جولدا ىستانبۇل اۋەجايىنا ايالداعان ەكەن. سول اۋەجايدا «ەي, ماحامبەت, جولداسىم» تەرمەسىن اۋەلەتىپ, ۇشاق كۇتكەن جولاۋشىلاردىڭ ىقىلاسىنا بولەندى.
اتىراۋ وبلىسى
