بيىل 27 ماۋسىمدا ۇلىتاۋ وڭىرىندە ۇلتتىق قۇندىلىقتاردى ۇلىقتايتىن ەرەكشە مادەني ءىس-شارا – «كوكمايسا – ۇلى دالانىڭ ءتىرى تاريحى» رەسپۋبليكالىق ەتنومادەني فەستيۆالى وتەدى. فەستيۆال جاڭاارقا اۋدانىنا قاراستى ەراليەۆ اۋىلىندا ساعات 10:00-دە باستالادى.
ءىس-شارا باعدارلاماسى قازاق حالقىنىڭ باي مۇراسى مەن سالت-داستۇرلەرىن كەڭىنەن تانىستىرۋعا ارنالعان. قوناقتار ەتنواۋىلداردى ارالاپ, ۇلتتىق تۇرمىس پەن داستۇرلەرمەن تانىسا الادى. سونداي-اق قازاقتىڭ قىمىز مادەنيەتىن ناسيحاتتايتىن «قىمىزمۇرىندىق» ءراسىمى كورسەتىلەدى.
تارىدان 50 ءتۇرلى تاعام: اقتوبەدە شىعاناق بەرسيەۆ مۇراسىن ۇلىقتاعان گاستروفەستيۆال ءوتتى
فەستيۆال اياسىندا ۇلتتىق سپورت ويىندارى ۇيىمداستىرىلىپ, قولونەر شەبەرلەرىنىڭ كورمەسى وتەدى. بۇدان بولەك, ءبىر مەزەتتە 500 بيەنى ساۋ ءراسىمى كورسەتىلەتىن تاريحي كورىنىس كورەرمەن نازارىنا ۇسىنىلادى. ۇيىمداستىرۋشىلار بۇل كورىنىس قازاقتىڭ كوشپەلى ءومىر سالتى مەن جىلقى مادەنيەتىن پاش ەتەتىن ەرەكشە شارالاردىڭ ءبىرى بولاتىنىن اتاپ ءوتتى.
مەرەكەلىك باعدارلامانىڭ سوڭى تانىمال ونەر جۇلدىزدارىنىڭ قاتىسۋىمەن وتەتىن ۇلكەن كونتسەرتكە ۇلاسادى.
«كوكمايسا» فەستيۆالى – ۇلى دالانىڭ رۋحىن, اتا-بابا ءداستۇرىن جانە قازاق حالقىنىڭ مادەني مۇراسىن جاڭعىرتاتىن بىرەگەي جوبا. ۇيىمداستىرۋشىلار بارشا قازاقستاندىقتاردى تاريحي-مادەني مەرەكەنىڭ كۋاسى بولۋعا شاقىرادى.
