فوتو: اقوردا
قاسىم-جومارت توقاەۆ قازاقستانعا 2019 جىلى نيكوس ءحريستودۋليديستىڭ كەلگەنىن ەسكە سالدى.
«2019 جىلى سىرتقى ىستەر ءمينيسترى لاۋازىمىن اتقارىپ جۇرگەنىڭىزدە ەلىمىزگە كەلىپ, قازاقستاننىڭ ەۋروپا وداعىنداعى سەنىمدى دوسى ءارى قولداۋشىسى رەتىندە ارەكەت ەتەتىنىڭىزدى مالىمدەگەن ەدىڭىز. بۇگىندە ءبىز ايتارلىقتاي ناتيجەگە قول جەتكىزدىك دەپ سەنىممەن ايتۋعا بولادى. مەملەكەتتەرىمىزدىڭ استانالارىندا ەلشىلىكتەرىمىزدى اشتىق. ەكى ەل اراسىندا تىكەلەي اۋە رەيسى ىسكە قوسىلدى, باسقا دا بىرقاتار ماڭىزدى جوبا جۇزەگە اسىرىلدى. دەگەنمەن ەكىجاقتى ىقپالداستىقتى كەڭەيتۋ ءۇشىن الەۋەتىمىز جەتكىلىكتى دەپ ويلايمىن. ءوز تاراپىمنان كوپتەگەن باعىتتا ىنتىماقتاستىعىمىزدى ودان ءارى دامىتۋعا كۇش سالۋعا دايىنمىن», دەدى مەملەكەت باسشىسى.
ءوز كەزەگىندە كيپر پرەزيدەنتى نيكوس حريستودۋليديس كيپردەن تىكەلەي قاتىنايتىن العاشقى رەيس ارقىلى كەلگەنىنە وتە قۋانىشتى ەكەنىن جەتكىزدى.
ء«سىزدىڭ ەلىڭىزگە كيپردەن تىكەلەي قاتىنايتىن العاشقى رەيس ارقىلى ىسكەرلىك دەلەگاتسيا وكىلدەرىمەن بىرگە ۇشىپ كەلگەنىمە وتە قۋانىشتىمىن. ەلدەرىمىزدىڭ الەۋەتى مول. بۇگىنگى كەلىسسوزدەر ءوزارا ىنتىماقتاستىقتى ارتتىرۋعا سەپتىگىن تيگىزەدى دەپ سانايمىن. سونداي-اق قازاقستانعا باسقا لاۋازىمدا كەلىپ وتىرمىن. قازىرگى ۋاقىتتا ەلىمىز ەۋروپا وداعى كەڭەسىنە توراعالىق ەتىپ جاتىر. اتالعان ءوڭىردىڭ ماڭىزىن جانە قازاقستاننىڭ ەرەكشەلىكتەرىن ەسكەرە وتىرىپ, ەۋروپا وداعى مەن قازاقستان اراسىنداعى ىقپالداستىقتى ودان ءارى ىلگەرىلەتۋ جولدارىن تالقىلاۋعا ءازىرمىن», دەدى نيكوس حريستودۋليديس.
ەسكە سالايىق, تاۋەلسىزدىك سارايىندا كيپر رەسپۋبليكاسىنىڭ پرەزيدەنتىن رەسمي قارسى الۋ ءراسىمى ءوتتى.
