سۋرەت: turanews.kz
ءىس-شاراعا عىلىمي جانە ساراپشىلىق قوعامداستىق, مەملەكەتتىك قۇرىلىمدار مەن حالىقارالىق ۇيىمداردىڭ وكىلدەرى, سونداي-اق كورشىلەس مەملەكەتتەردەن كەلگەن دەلەگاتسيالار قاتىستى.
سەنات توراعاسى ماۋلەن اشىمباەۆتىڭ فورۋم قاتىسۋشىلارىنا ارنالعان قۇتتىقتاۋ حاتىن سەنات دەپۋتاتى, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى وكىلەتتى كەڭەسىنىڭ مۇشەسى دارحان قىدىرالى وقىپ بەردى. سەنات سپيكەرى ءوز جولداۋىندا مەملەكەت باسشىسىنىڭ قوجا احمەت ياساۋي ەسىمىن ۇلىقتاۋ مەن ونىڭ رۋحاني مۇراسىن ناسيحاتتاۋ ىسىنە قوسقان ەرەكشە ۇلەسىن اتاپ ءوتتى. سونداي-اق ورتاق تاريحي تۇلعالاردىڭ وسيەتتەرىن بىرلەسە زەرتتەۋدىڭ ماڭىزدىلىعىنا ايرىقشا ءمان بەرىلدى, بۇل ايماق ەلدەرى اراسىنداعى ىنتىماقتاستىقتىڭ جاڭا دەڭگەيگە كوتەرىلۋىنە ىقپال ەتۋگە ءتيىس.
سيمپوزيۋم بارىسىندا قاتىسۋشىلار تۇركى الەمىنىڭ ورتاق مادەني مۇراسىنىڭ ماڭىزدى بولىگى رەتىندەگى «احيلىك» ءداستۇرىنىڭ ءمانىن, سونىمەن قاتار رۋحاني قۇندىلىقتاردى ساقتاۋ, گۋمانيتارلىق بايلانىستاردى نىعايتۋ جانە حالىقارالىق ىنتىماقتاستىقتى دامىتۋ ماسەلەلەرىن تالقىلادى. فورۋمنىڭ اشىلۋىندا ايتىلعانداي, بۇل جيىن ورتاق تاريحي-مادەني باعدارلاردى ىلگەرىلەتۋگە جانە باۋىرلاس ەلدەر اراسىنداعى ءوزارا ءىس-قيمىلدى كەڭەيتۋگە تىڭ سەرپىن بەرۋدى كوزدەيدى.
