پارلامەنت پالاتالارىنىڭ بىرلەسكەن وتىرىسى 2026 جىلعى 15 مامىردا ساعات 10.00-دە وتەدى.
«قازاقستان رەسپۋبليكاسى كونستيتۋتسياسىنىڭ 58-بابى 4-تارماعىنىڭ 2) تارماقشاسىنا سايكەس قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى 2026 جىلعى 15 مامىردا ساعات 10.00-دە استانا قالاسىندا شاقىرىلسىن», دەپ جازىلعان وكىم ماتىنىندە.
ەسكە سالا كەتەيىك, پارلامەنت پالاتالارىنىڭ الدىڭعى بىرلەسكەن وتىرىسى 20 ناۋرىزدا وتكەن. بىرلەسكەن وتىرىستا دەپۋتاتتار «الاتاۋ قالاسىنىڭ ەرەكشە مارتەبەسى تۋرالى» كونستيتۋتسيالىق زاڭ جوباسىن ءبىرىنشى وقىلىمدا ماقۇلدادى. جاقىندا پرەزيدەنت اتالعان زاڭ جوباسىنا قول قويعان بولاتىن.
