مەملەكەت باسشىسى جۇمىس دۇرىس ۇيىمداستىرىلسا, Alatau city جوباسى قۇرىلىسقا جانە جالپى ەل ەكونوميكاسىنا مىقتى سەرپىن بەرەتىنىن اتاپ ءوتتى.
«قۇرىلىستى تولىق ءارى قارقىندى جۇرگىزۋ ءۇشىن جەر ماسەلەسىن شۇعىل شەشۋ كەرەك. الماتى وبلىسىنىڭ جەرى وتە شۇرايلى ەكەنى بارشاعا ءمالىم. قالاداعى جانە ىرگەلەس اۋماقتاعى جەر تەلىمدەرىنىڭ كوپشىلىگى جەكە مەنشىكتە نەمەسە ۇزاق مەرزىمگە جالعا بەرىلگەن. ولاردىڭ باسىم بولىگى ءالى كۇنگە دەيىن يگەرىلمەي جاتىر. مەملەكەت قاجەتتى نىساندار سالىپ, ينۆەستيتسيالىق جوبالاردى جۇزەگە اسىرۋ ءۇشىن جەر تەلىمدەرىن ساتىپ الۋعا ءماجبۇر بولىپ وتىر. بۇل جاعداي بۇكىل جۇمىسقا ۇلكەن كەدەرگى كەلتىرىپ جاتىر.
قاسىم-جومارت توقاەۆ الاتاۋدى كريپتوقالاعا اينالدىرۋدى تاپسىردى
وكىنىشكە قاراي, قۇرىلىسى باستالعان جوبالاردىڭ سانى جوسپارعا ساي ەمەس, ياعني, الدەقايدا از. 2024-2025 جىلداردىڭ وزىندە قولدانىلماي جاتقان 16 مىڭ گەكتاردان استام جەر انىقتالدى. بىراق ونىڭ بار-جوعى 688 گەكتارى عانا مەملەكەتكە قايتارىلدى. بۇل جۇمىس كوپتەن شەشىمىن تاپپاي كەلە جاتقان شەكتەۋلەر مەن راسىمدىك كەدەرگىلەرگە بايلانىستى وتە باياۋ ءجۇرىپ جاتىر. وسى ماسەلە بويىنشا بيلىك مەكەمەلەرىنىڭ قاۋقارسىزدىق كورسەتۋگە حاقى جوق», دەدى پرەزيدەنت.
ايتا كەتەيىك, بۇگىن مەملەكەت باسشىسى جۇمىس ساپارىمەن الماتى وبلىسىنا باردى.
پرەزيدەنت الاتاۋ قالاسىن دامىتۋ جونىندەگى كەڭەستە قوناەۆ قالاسىنداعى ينفراقۇرىلىم قۇرىلىسى وتە باياۋ جۇرگىزىلىپ جاتقانىن ايتتى.
