پوليتسيا قىزمەتكەرلەرى «تاۋەلسىز ءومىر» جاستار قوزعالىسىنىڭ وكىلدەرىمەن جانە ەسىرتكى قۇقىق بۇزۋشىلىقتارىنىڭ الدىن الۋ جونىندەگى كەڭەس مۇشەسى, بلوگەر اندرەي كوتوۆپەن بىرلەسىپ رەيد ۇيىمداستىرعان. ءىس-شارا اياسىندا ءتارتىپ ساقشىلارى كەشكى ساعات 22:00-دەن كەيىن قالانىڭ قوعامدىق ورىندارىن, سونىڭ ىشىندە جاستار ساياباعىن ارالاپ شىقتى.
رەيدتىڭ باستى ماقساتى – جاسوسپىرىمدەردىڭ تۇنگى ۋاقىتتا قاراۋسىز ءجۇرۋىنىڭ الدىن الۋ جانە ولاردىڭ قاۋىپسىزدىگىن قامتاماسىز ەتۋ.
ناتيجەسىندە ءبىر تاۋلىك ىشىندە زاڭدى وكىلدەرىنىڭ باقىلاۋىنسىز كوشەدە جۇرگەن 30 كامەلەتكە تولماعان ءجاسوسپىرىم انىقتالدى. ولاردىڭ اتا-انالارى مەن زاڭدى وكىلدەرى اكىمشىلىك جاۋاپكەرشىلىككە تارتىلدى.
پوليتسيا وكىلدەرى جازعى دەمالىس كەزىندە بالالاردىڭ بوس ۋاقىتى كوبەيەتىنىن ەسكەرتىپ, اتا-انالاردى ولاردىڭ ءجۇرىس-تۇرىسىن باقىلاۋدا ۇستاۋعا شاقىردى. مامانداردىڭ ايتۋىنشا, توبەلەس, بۇزاقىلىق, بۋللينگ جانە وزگە دە قۇقىق بۇزۋشىلىقتار كوبىنە تۇنگى ۋاقىتتا جاسالادى.
قۇقىق قورعاۋ ورگاندارى مۇنداي پروفيلاكتيكالىق شارالار الداعى ۋاقىتتا دا تۇراقتى تۇردە جالعاساتىنىن مالىمدەدى.
ايتا كەتەيىك, اتىراۋدا جاسوسپىرىمدەر 14 جاستاعى وقۋشىنى بىرنەشە ساعات بويى ۇرىپ-سوققان.
ىشكى ىستەر ورگاندارىنىڭ مالىمدەۋىنشە ەسەپتە تۇرعان جاسوسپىرىمدەر سانى 40,5 پايىزعا ازايعان.
