ءمينيستردىڭ ايتۋىنشا, بۇل ينۆەستيتسيالار ناقتى ناتيجە بەرە باستاعان. سوڭعى ەكى جىلدا تىركەلگەن بايلانىس ابونەنتتەرىنىڭ سانى 19%-عا, ال ءموبيلدى بايلانىس پايدالانۋشىلارىنىڭ سانى 12%-عا ارتقان.
سونىمەن قاتار ءموبيلدى ينتەرنەتتىڭ ورتاشا جىلدامدىعى 75%-عا وسسە, ينتەرنەت-ترافيك كولەمى 67%-عا كوبەيگەن.
ء«بىز بارلىق باعىت بويىنشا ايتارلىقتاي ءوسىمدى بايقاپ وتىرمىز. ينتەرنەت ترافيگى, جىلدامدىق جانە ابونەنتتەر سانى تۇراقتى تۇردە ارتىپ كەلەدى», دەدى مينيستر ءماجىلىس وتىرىسىندا.
اۆتوقوڭىراۋ مەن شەتەلدىك نومىرلەر ارقىلى جاسالاتىن شابۋىلدارعا قاشان توسقاۋىل قويىلادى؟
ونىڭ سوزىنشە, بۇل كورسەتكىشتەر بازالىق ستانتسيالار ينفراقۇرىلىمىن كەڭەيتۋ ەسەبىنەن قامتاماسىز ەتىلىپ وتىر. قازىرگى ۋاقىتتا ەلدە ەسكىرگەن 3G تەحنولوگياسىنان كەزەڭ-كەزەڭىمەن باس تارتۋ جۇمىستارى جالعاسىپ جاتىر.
بۇگىندە تەك 3G بايلانىسىمەن قامتىلعان اۋىلدار سانى بەس ەسەدەن استام قىسقارىپ, شامامەن 550 ەلدى مەكەندى قۇرايدى. بۇل جەلىلەردى 4G ستاندارتىنا جاڭعىرتۋ ارقىلى جۇزەگە اسىرىلادى. سونىمەن قاتار 5G بازالىق ستانتسيالارىن سالۋ جۇمىستارى قارقىندى جۇرگىزىلىپ جاتىر.
سمارتفونىڭىزدى بوگدە ادامعا بەرۋگە بولمايدى: قازاقستاندا جاڭا تىيىم ەنگىزىلمەك
ۆەدومستۆو مالىمەتىنشە, الداعى ەكى جىلدا 3,5 مىڭنان استام اۋىل جوعارى جىلدامدىقتاعى ينتەرنەتپەن قامتىلادى. سونىڭ ناتيجەسىندە اۋىلداردى وپتيكالىق ينتەرنەتپەن قامتۋ دەڭگەيى قازىرگى 43%-دان 92%-عا دەيىن وسەدى.
سونداي-اق بيىل رەسپۋبليكالىق ماڭىزى بار اۆتوجولداردى ءموبيلدى ينتەرنەتپەن قامتۋ, ال كەلەسى جىلى نەگىزگى وبلىستىق تراسسالاردا ينتەرنەت جەلىسىن ىسكە قوسۋ جوسپارلانىپ وتىر.
نۇربولات امانبەك
