سۋرەت: primeminister.kz
تاراپتار ساۋدا-ەكونوميكالىق ىنتىماقتاستىقتى دامىتۋ كەلەشەگىن, سونداي-اق ساۋدا-ەكونوميكالىق ىنتىماقتاستىق جونىندەگى مەملەكەتارالىق كوميسسيانىڭ قىزمەتىن قايتا باستاۋ مۇمكىندىگىن تالقىلادى. ەكى ەل اراسىنداعى نەگىزگى ءوزارا ءىس-قيمىل باعىتىنىڭ ءبىرى اگروونەركاسىپ كەشەنى بولىپ قالا بەرەدى. كەزدەسۋ بارىسىندا ەلىمىزدىڭ بىرنەشە وڭىرىندەگى ءسۇت شارۋاشىلىقتارى مەن ۋكراينا ءسۇت وندىرۋشىلەرى قاۋىمداستىعى اراسىنداعى قالىپتاسقان ارىپتەستىك ەرەكشە اتاپ ءوتىلدى. كەيىنگى جىلدارى بۇل ىنتىماقتاستىق اسىل تۇقىمدى ءسۇتتى مال جەتكىزۋ, زاماناۋي تاۋارلى ءسۇت فەرمالارىن باسقارۋ, وتاندىق مامانداردىڭ كاسىبي بىلىكتىلىگىن ارتتىرۋ باعىتىندا ناقتى ناتيجەلەر بەرىپ كەلەدى.
بىلتىرعى قورىتىندىدا ءوزارا تاۋار اينالىمى 415,8 ملن دوللارعا جەتىپ, وتكەن جىلمەن سالىستىرعاندا 5,4 پايىزعا ارتقان. ەلىمىز ۋكرايناعا نەگىزىنەن فەرروقورىتپا, تىڭايتقىش, كۇرىش سەكىلدى ونىمدەر ەكسپورتتايدى. ال ۋكراينادان ەلىمىزگە شوكولاد جانە كاكاو ونىمدەرى, ۇن مەن كونديتەرلىك بۇيىمدار, ءدارى-دارمەك, سونداي-اق سۇزبە مەن ىرىمشىك جەتكىزىلەدى.
كەزدەسۋ سوڭىندا تاراپتار ىسكەرلىك بايلانىستى جانداندىرۋعا, ماك قىزمەتىن جاڭعىرتۋ جولدارىن قاراستىرۋعا ءارى باسىم باعىتتار بويىنشا, اسىرەسە اگروونەركاسىپ كەشەنىندەگى ىنتىماقتاستىقتى كەڭەيتۋگە كەلىستى.
