سينوپتيكتەردىڭ مالىمەتىنشە, ەل اۋماعىنداعى اۋا رايىنا ەكى باريكالىق قۇرىلىم اسەر ەتەدى. ەلدىڭ باتىس جانە وڭتۇستىك وڭىرلەرى وڭتۇستىك تسيكلوننىڭ ىقپالىندا بولادى. بۇل ايماقتاردا وتكىنشى جاڭبىر جاۋىپ, نايزاعاي كۇتىلەدى, سونداي-اق كۇندىزگى اۋا تەمپەراتۋراسى ايتارلىقتاي جوعارىلايدى.
«رەسپۋبليكانىڭ قالعان بولىگىندە سۋىق انتيتسيكلون ءوز اسەرىن ساقتايدى. تۇنگى ۋاقىتتا سولتۇستىك, شىعىس جانە ورتالىق وڭىرلەردە 1-6 گرادۋسقا دەيىن ۇسىك كۇتىلەدى. ال كۇندىز بۇلتتىلىقتىڭ از بولۋىنا بايلانىستى اۋا تەمپەراتۋراسى +12…+28 گرادۋستان +20…+30 گرادۋسقا دەيىن كوتەرىلەدى», دەلىنگەن «قازگيدرومەت» حابارلاماسىندا.
بۇرشاق جاۋىپ, كۇن كۇركىرەيدى: 13 مامىرعا ارنالعان اۋا رايى بولجامى
ماماندار رەسپۋبليكا بويىنشا جەلدىڭ كۇشەيۋى كۇتىلەتىندىگىن ايتىپ, وڭتۇستىك وڭىرلەردەگى تۇرعىنداردى شاڭدى داۋىلدان ساقتانۋعا شاقىرادى. تۇنگى جانە تاڭەرتەڭگى ساعاتتاردا سولتۇستىك, شىعىس وڭىرلەردە جانە وڭتۇستىك-شىعىستىڭ تاۋلى اۋداندارىندا تۇمان كۇتىلەدى.
نۇربولات امانبەك
