فوتو: تجم
ءمينيستردىڭ ايتۋىنشا, ەكى جاعدايدا دا تەرگەۋ جۇمىستارى جالعاسىپ جاتىر.
«شىعىستۇستىمەت» شاحتاسىنداعى اپاتتىڭ الدىن الا سەبەبى كەن ءوندىرۋ جۇمىستارىنىڭ جوبالىق قۇجاتتامانى بۇزا وتىرىپ جۇرگىزىلۋى مەن جۇمىستىڭ دۇرىس ۇيىمداستىرىلماۋى بولىپ وتىر. ال «قازتسينك» زاۋىتىنداعى جارىلىس تەحنولوگيالىق پروتسەستىڭ بۇزىلۋىنان بولعان بولۋى مۇمكىن», دەدى شىڭعىس ءارىنوۆ.
ءمينيستردىڭ ايتۋىنشا, بۇل كاسىپورىنداردا بۇعان دەيىن دە ونەركاسىپتىك قاۋىپسىزدىك تالاپتارىنىڭ بۇزىلعانى انىقتالعان. اتاپ ايتقاندا, نىسانداردا تەحنيكالىق قۇجاتتامانىڭ سايكەسسىزدىگى, جوبالىق تالاپتاردان اۋىتقۋ مەن توزعان جابدىقتى ۋاقىتىلى اۋىستىرماۋ فاكتىلەرى تىركەلگەن.
«قازتسينك» زاۋىتىنداعى جارىلىس: مينيسترلىك ءۇش جىل بويى كاسىپورىن قىزمەتىنەن كەمشىلىك تاپپاعان
تەرگەۋ قورىتىندىسى شىققاننان كەيىن كاسىپورىندارعا قاتىستى ءتيىستى شارالار قابىلداناتىنى ايتىلدى. سونداي-اق مينيستر ەل اۋماعىنداعى قاۋىپتى وندىرىستىك نىسانداردا قازا تاپقاندار سانىنىڭ ازايعانىن اتاپ ءوتتى.
ەسكە سالايىق, 5 مامىر كۇنى وسكەمەندەگى «قازتسينك» زاۋىتىنىڭ اۋماعىندا جارىلىس بولدى. وقيعا كەزىندە ءۇش ادام قازا تاپتى. ال 30 مامىردا «شىعىستۇستىمەت» جشس-نە قاراستى ارتەمەۆ شاحتاسىندا وندىرىستىك جازاتايىم وقيعا سالدارىنان جۇمىسشى كوز جۇمعان ەدى.
