قازاقستاننىڭ گۋانچجوۋ قالاسىنداعى باس كونسۋلدىعى قىتايدىڭ قوعامدىق قاۋىپسىزدىك ورگاندارىنان رەسمي حابارلاما العان. قازىرگى ۋاقىتتا قازاقستان ديپلوماتتارى وقيعانىڭ بارلىق ءمان-جايىن انىقتاۋ ءۇشىن قحر-دىڭ قۇزىرلى ورگاندارىنا قوسىمشا سۇراۋ جولداعان.
سىرتقى ىستەر مينيسترلىگى ۇستالعان ازاماتتىڭ تۋىستارىمەن تۇراقتى بايلانىس ورناتىلعانىن جانە وعان قاجەتتى كونسۋلدىق-قۇقىقتىق كومەك كورسەتىلىپ جاتقانىن حابارلادى.
«بۇل ماسەلە مينيسترلىكتىڭ ەرەكشە باقىلاۋىندا», دەپ مالىمدەدى ۆەدومستۆو.
بۇعان دەيىن ماحمۇتحان شەرنازاروۆتىڭ تۋىستارى Threads الەۋمەتتىك جەلىسىندە جازبا جاريالاعان بولاتىن. ولاردىڭ ايتۋىنشا, قازاقستان ازاماتى مەن قىتاي ازاماتىنىڭ اراسىندا جانجال تۋىپ, ارتى توبەلەسكە ۇلاسقان. وقيعا سالدارىنان قىتايلىق ازامات كوز جۇمعان. تۋىستارىنىڭ سوزىنشە, جانجال كەزىندە م. شەرنازاروۆقا بىرنەشە ادام شابۋىل جاساپ, كەتۋىنە جول بەرمەگەن.
ولار تەرگەۋ بارىسىندا بەينەجازبالار مەن بارلىق دالەلدەردىڭ جان-جاقتى قارالىپ, ءىستىڭ وبەكتيۆتى تۇردە زەرتتەلۋىن سۇراپ وتىر.
جانبوتا باحىتبەك,
ەۇۋ ستۋدەنتى
