جاڭا نورمالارعا سايكەس, ەندى پەداگوگتەر وقۋشىلار ءۇشىن تەك وقۋ پروتسەسى كەزىندە عانا جاۋاپتى بولادى. ال بالالاردىڭ ءومىرى مەن قاۋىپسىزدىگىنە قاتىستى اتا-انالاردىڭ جاۋاپكەرشىلىگى كەڭەيتىلمەك.
سونداي-اق مۇعالىمدەرگە ءبىر ەسەپتى قاعاز جانە ەلەكتروندى فورماتتا قاتار جۇرگىزۋگە تىيىم سالىندى. بۇل وزگەرىس پەداگوگتەردىڭ ارتىق جۇكتەمەسىن ازايتۋعا باعىتتالعان.
زاڭ اياسىندا مەكتەپتەردە ۇيالى تەلەفون قولدانۋدىڭ بىرىڭعاي ەرەجەلەرى ەنگىزىلەدى. سونىمەن بىرگە وقۋشىلاردى عىلىمي جۇمىستارعا تارتۋ بويىنشا اكىمدىكتەرگە قوسىمشا مىندەتتەر جۇكتەلەدى.
ۇكىمەت باستاماسىمەن قۇجاتقا شەتەلدىك جەتەكشى ۋنيۆەرسيتەتتەردىڭ قازاقستاندا جۇمىس ىستەۋىنە قولايلى جاعداي جاساۋعا ارنالعان نورمالار دا ەنگىزىلدى. الايدا مۇنداي فيليالدار تەك مەملەكەتتىك ءبىلىم ستاندارتتارى ساقتالعان جاعدايدا عانا اشىلادى.
بۇدان بولەك, جوعارى مەديتسينالىق ءبىلىم بەرۋ جۇيەسىنە وزگەرىستەر ۇسىنىلدى. ەندى ينتەگراتسيالانعان وقۋ مودەلىنە كوشۋ جوسپارلانىپ وتىر. بۇل جۇيە بويىنشا ستۋدەنتتەر 6 جىل جوعارى وقۋ ورنىندا ءبىلىم الىپ, كەيىن 1 جىل تولىققاندى ينتەرناتۋرادان وتەدى. وقۋدى اياقتاعان تۇلەكتەر مەديتسينالىق پراكتيكامەن اينالىسۋ قۇقىعىنا يە بولادى.
بۇعان دەيىن پەداگوگتەردى اتتەستاتسيالاۋ جۇيەسى جاڭارتىلاتىنىن حابارلاعان بولاتىنبىز.
سونداي-اق پەداگوگيكالىق جوعارى وقۋ ورىندارىندا جاساندى ينتەللەكت فاكۋلتەتتەرى اشىلادى.
