فوتو: اشىق دەرەككوز
اتالعان قۇجاتقا سايكەس, ەلدە ابونەنتتىك ءنومىردى جانە ۇيالى بايلانىس قۇرىلعىسىن ءۇشىنشى تۇلعالارعا بەرۋگە تىيىم سالىنادى. بۇل شەكتەۋلەر جاقىن تۋىستارعا قولدانىلمايدى.
«بيومەتريالىق اۋتەنتيفيكاتسيا نورمالارى تسيفرلىق كودەكسكە سايكەستەندىرىلىپ جاتىر. سونىمەن قاتار ۇيالى بايلانىس ابونەنتتىك قۇرىلعىلارىن تىركەۋ ءراسىمىن ۆەريفيكاتسيا ارقىلى جەتىلدىرۋ قاراستىرىلعان. بۇل زاڭسىز اكەلىنگەن جانە «كولەڭكەلى» قۇرىلعىلاردىڭ قولدانىلۋىن ازايتۋعا, سونداي-اق IMEI-ءدى الماستىرۋ ارقىلى جاسالاتىن الاياقتىق سحەمالاردىڭ قاۋپىن تومەندەتۋگە مۇمكىندىك بەرەدى», دەدى جاساندى ينتەللەكت جانە تسيفرلىق دامۋ ءمينيسترى جاسلان ماديەۆ.
ايتا كەتەيىك, بۇعان دەيىن ءبىلىم مەكەمەلەرىندە وقۋشىلارعا سمارتفون قولدانۋعا تىيىم سالىنۋى مۇمكىن ەكەنى جازعان ەدىك.
