فوتو: اقوردا
مەملەكەت باسشىسى: الاتاۋ قالاسى قۇرىلىسىنىڭ نەگىزگى قاعيدالارى جاڭا كونستيتۋتسياعا ەنگىزىلگەنىن اتاپ ءوتتى.
«بۇگىن ءبىز الاتاۋ قالاسىن دامىتۋ بويىنشا وزەكتى ماسەلەلەردى تالقىلايمىز. بارشاڭىزعا ءمالىم, مەن وسىدان ەكى جىل بۇرىن بولاشاق قالاسى – الاتاۋ شاھارىن سالۋ تۋرالى شەشىم قابىلدادىم. بۇل جوبانىڭ تۇتاس ەلىمىز ءۇشىن ستراتەگيالىق ماڭىزى زور. ءبىز وسى قالاعا ينۆەستيتسيا تارتىپ, ونى بيزنەستىڭ جانە يننوۆاتسيانىڭ جاڭا ورتالىعى رەتىندە دامىتاتىن بولدىق. وسى جەردە ءومىر ءسۇرۋ, جۇمىس ىستەۋ ازاماتتارىمىزعا, اسىرەسە, وسكەلەڭ ۇرپاققا مول مۇمكىندىك بەرمەك. سوندىقتان الاتاۋ قالاسى قۇرىلىسىنىڭ نەگىزگى قاعيدالارى جاڭا كونستيتۋتسياعا ەنگىزىلدى. «الاتاۋ قالاسىنىڭ ارناۋلى قۇقىقتىق رەجيمى تۋرالى» كونستيتۋتسيالىق زاڭ قابىلداندى. وسى تۇستا بىرنەشە ماڭىزدى ماسەلەنى پىسىقتاپ الۋىمىز كەرەك. الدىمەن, وسى كەزگە دەيىن جۇرگىزىلگەن جۇمىسپەن تانىسايىق. سونىمەن قاتار جەدەل ماسەلەلەر مەن ۇزاق مەرزىمگە ارنالعان مىندەتتەرگە توقتالۋ قاجەت. ءبىر سوزبەن, الداعى جۇمىستىڭ باعدارىن ايقىنداپ العان ءجون», دەدى قاسىم-جومارت توقاەۆ.
پرەزيدەنت الاتاۋ قالاسىنىڭ ەرەكشە مارتەبەسىنە قاتىستى شەشىم قابىلدادى
سونداي اق پرەزيدەنت الاتاۋدى رەسمي تۇردە بىرەگەي قۇقىقتىق مارتەبەسى بار «قارقىندى داميتىن قالا» دەپ اتاۋعا بولاتىندىعىن جەتكىزدى.
«جالپى, الاتاۋ قالاسىنا قاتىستى كەز كەلگەن ماسەلەنى جەدەل شەشۋ ءۇشىن بارلىق قاجەتتى جاعداي جاسالىپ جاتىر. قازىردىڭ وزىندە قالانىڭ ساپالى دامۋىنا جول اشاتىن قۇقىقتىق نەگىز تولىق قالىپتاستى دەپ ايتۋعا بولادى. سونىڭ اياسىندا سالىق جەڭىلدىكتەرى ۇسىنىلدى, باقىلاۋ جانە رەتتەۋ تەتىكتەرى دە بيزنەس جۇرگىزۋ ءۇشىن وڭتايلى بولا ءتۇستى. بۇدان بولەك, وسى قالادا جۇمىس ىستەيتىن كاسىپكەرلەردىڭ قۇقىقتارى جان-جاقتى قورعالادى, سونداي-اق, تسيفرلىق اكتيۆتەردى دامىتۋ ءۇشىن قولايلى جاعداي جاسالادى. سوندىقتان بۇگىندە الاتاۋدى رەسمي تۇردە بىرەگەي قۇقىقتىق مارتەبەسى بار «قارقىندى داميتىن قالا» دەپ اتاۋعا بولادى», دەدى مەملەكەت باسشىسى.
ايتا كەتەيىك, بۇگىن مەملەكەت باسشىسى جۇمىس ساپارىمەن الماتى وبلىسىنا باردى.
