فوتو: اشىق دەرەككوز
زاڭ جوبالارى بىرقاتار نورمالاردى «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس كەلتىرۋگە باعىتتالعان.
«اتاپ ايتقاندا, وكرۋگتىك سايلاۋ كوميسسيالارىنىڭ مۇشەلەرىن سايلاۋ جانە ءبىر مانداتتى وكرۋگ بويىنشا سايلانعان ءماسليحات دەپۋتاتىن كەرى قايتارىپ العان جاعدايدا ونىڭ وكىلەتتىگىن مەرزىمىنەن بۇرىن توقتاتۋ ماسەلەلەرى رەتتەلەدى. بۇدان بولەك, جەرگىلىكتى ءوزىن-ءوزى باسقارۋ ورگاندارىنىڭ ينتەرنەت-رەسۋرستارىندا جەرگىلىكتى قوعامداستىق جينالىسىنىڭ قۇرامى تۋرالى مالىمەتتەردى مىندەتتى تۇردە جاريالاۋدى ەنگىزۋ ۇسىنىلدى», دەلىنگەن ءماجىلىس حابارلاماسىندا.
تۇزەتۋلەر ارقىلى سايلاۋ وتكىزۋ ءتارتىبى دە جەتىلدىرىلەدى. اتاپ ايتقاندا, كانديداتتاردىڭ سايلاۋ قورلارىنان تىس قارجى نەمەسە باسقا دا ماتەريالدىق كومەك تارتقانى ءۇشىن جاۋاپكەرشىلىككە تارتىلادى.
سايلاۋداعى جاڭا ەرەجەلەر: ءبىر مەزگىلدە ءارى دەپۋتات, ءارى اكىم بولۋعا تىيىم سالىنادى
سونىمەن قاتار ونلاين-پلاتفورما قولدانۋشىلارىنا ۇگىت-ناسيحات جۇرگىزۋ, سايلاۋالدى دەباتتار مەن قوعامدىق پىكىر ساۋالنامالارىنىڭ ناتيجەلەرىن جانە سايلاۋ بولجامدارىن جاريالاۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىك ەنگىزىلەدى.
نۇربولات امانبەك
