فوتو: pixabay
16 جاستاعى ستۋدەنتتىڭ اكەسى رۋسلان سەيسەنباەۆتىڭ ايتۋىنشا, جوعارى كۋرس ستۋدەنتتەرى ءبىرىنشى كۋرسقا جاڭادان كەلگەندەردى جاتاقحانانىڭ فيتنەس-زالىنا اپارىپ, قورلاعان ءارى سوققىعا جىققان.
اكەسىنىڭ سوزىنشە, ءجاسوسپىرىم سول جەردە جان تاپسىرعان. الايدا جەدەل جاردەم دەر كەزىندە شاقىرىلماعان. ونىڭ ورنىنا ستۋدەنتتەر مارقۇمدى بولمەسىنە اپارىپ, كەيىن ۆاحتەرگە ءتۇسىرىپ كەتكەن كورىنەدى.
تۋىستارى بۇل جاعدايدى جاسىرۋ ارەكەتى بولعانىن ايتىپ, جاتاقحانادا الىمجەتتىك بۇرىننان جالعاسىپ كەلە جاتقانىن مالىمدەدى.
الماتىداعى ستۋدەنتتىڭ ءولىمى: قايعىلى وقيعاعا ادىلەتسىز باعالاۋ سەبەپ بولدى ما؟
ال كوللەدج باسشىلىعى وقۋ ورنىندا ەشقانداي الىمجەتتىك بولماعانىن العا تارتتى. مەكەمە اكىمشىلىگى ستۋدەنتتەردىڭ ءتارتىبىن باقىلاماعان قىزمەتكەرلەردىڭ جۇمىستان بوساتىلعانىن حابارلادى. قازىر كوللەدج ىشىندە قىزمەتتىك تەكسەرىس ءجۇرىپ جاتىر, ال قۇقىق قورعاۋ ورگاندارى بولەك تەرگەۋ باستاعان.
كوللەدج ديرەكتورىنىڭ ورىنباسارى گۇلميرا وتەۋليەۆا ستۋدەنتتەر اراسىندا اقشا تالاپ ەتۋ نەمەسە جۇيەلى قىسىم كورسەتۋ بولماعانىن ايتتى. ونىڭ سوزىنشە, كۇدىكتىلەر مارقۇمنىڭ «قۇرمەتسىزدىك تانىتقانىن» ايتىپ, تەك ءبىر رەت جۇدىرىقپەن ۇرعاندارىن جەتكىزگەن.
18 جاستاعى ستۋدەنتتىڭ ءولىمى: استانادا سوت پروتسەسى باستالدى
پوليتسيا اتالعان دەرەك بويىنشا «دەنساۋلىققا قاساقانا اۋىر زيان كەلتىرۋ» بابى بويىنشا قىلمىستىق ءىس قوزعادى. ءبىر ستۋدەنت قاماۋعا الىنعان. الايدا مارقۇمنىڭ تۋىستارى قاۋىپسىزدىككە سالعىرت قاراعان كوللەدج قىزمەتكەرلەرىن دە جاۋاپقا تارتۋدى تالاپ ەتىپ وتىر.
ەسكە سالايىق, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 1-كۋرس ستۋدەنتى 8-قاباتتان قۇلاپ, قازا تاپتى. ال پاۆلوداردا قاتارلاستارىنان اقشا بوپسالاماق بولعان 2 ستۋدەنت ۇستالدى.
