باسىلىمنىڭ جاڭا دەرەگى بويىنشا, ماسكەۋدىڭ تسسكا كلۋبىندا ونەر كورسەتەتىن باحتيەر زاينۋتدينوۆ قازاقستاندىق فۋتبولشىلار اراسىندا ەڭ قىمبات ويىنشى اتاندى. ونىڭ قازىرگى باعاسى – 2 ميلليون ەۋرو. ال بۇعان دەيىن قازاقستاننىڭ ەڭ قۇندى ويىنشىسى اتانىپ كەلگەن باۋىرجان يسلامحان ء(ال-اين) 1,8 ميلليون ەۋرومەن بۇل جولى ەكىنشى ورىنعا ءتۇسىپ قالدى. ال ۇزدىك ۇشتىكتى «قايرات» كلۋبىنىڭ جانە قازاقستان قۇراماسىنىڭ ەڭ جاس قورعاۋشىسى ءنۇرالى ءالىپ تۇيىندەدى. جىل باسىندا نەبارى 900 مىڭ ەۋروعا باعالانعان ول بيىلعى ماۋسىمداعى ناتيجەلى ويىنىنىڭ ارقاسىندا قۇنى اجەپتاۋىر ءوستى. قازىرگى تاڭدا ول 1,7 ميلليون ەۋروعا باعالانىپ وتىر.
كەيىنگى ورىندارعا مىنا فۋتبولشىلار جايعاسقان: يسلامبەك قۋات («حيمكي», رەسەي), دميتري شومكو («استانا»), ستاس پوكاتيلوۆ («قايرات»), ابات ايىمبەتوۆ («قايرات»), تەمىرلان ەرلانوۆ («توبىل») – بارلىعى 1,5 ميلليون ەۋرو. ال گافۋرجان سۇيىمباەۆ («قايرات») پەن ايبول ابىكەن («قايرات») 1,3 ميلليون ەۋروعا باعالانعان.
