ايماقتار • 24 قاراشا، 2020

جامبىل وبلىسى 2 جىلدا گازعا قوسىلادى

13 رەت كورسەتىلدى

ۇكىمەت وتىرىسىندا جامبىل وبلىسىنىڭ اكىمى بەردىبەك ساپارباەۆ الداعى 2 جىلدىڭ ىشىندە جامبىل وبلىسى تۇرعىندارىنىڭ 95 پايىزى گازبەن قامتاماسىز ەتىلەتىنىن مالىمدەدى، دەپ حابارلايدى Egemen.kz

"قازىرگى تاڭدا ءوڭىر حالقىن گازبەن قامتاماسىز ەتۋ جامان ەمەس. بۇگىنگى ەسەپ بويىنشا وبلىس تۇرعىندارىن گازبەن قامتاماسىز ەتۋ 88،6 پايىزدى قۇرايدى. تەك وسى جىلدىڭ وزىندە 14 ملن تەڭگە ءبولىنىپ، سونىڭ ارقاسىندا 45 ەلدى مەكەن گازبەن قامتاماسىز ەتىلدى. قورداي اۋدانىندا 2 جوبا ىسكە اسىرىلىپ جاتىر. ونىڭ ءبىرى ماسانچي، قاراكەمەر، اۋقات سىندى 10 ەلدى مەكەندى، ەكىنشىسى وتار، كەنەن سىندى 12 اۋىلدى قامتيدى. وسى جوبانىڭ ارقاسىندا قورداي اۋدانىندا حالىقتى گازبەن قامتۋ 95 پايىز بولادى"، دەدى وبلىس باسشىسى.

سونىمەن قاتار ول ەلىمىزدىڭ ەنەرگەتيكا مينيسترلىگىنە ءوڭىر تۇرعىندارىن كوگىلدىر وتىنمەن قامتۋعا باعىتتالعان جوبالار پىسىقتاۋعا بەرىلگەندىگىن ايتتى. 

"جالپى تۇرعىنداردى گازبەن قامتاماسىز ەتۋ باقىلاۋىمىزدا تۇر. ۇكىمەت قولداۋىمەن الداعى 2 جىلدىڭ ىشىندە وڭىردەگى تۇرعىنداردىڭ 95 پايىزىن كوگىلدىر وتىمەن قامتاماسىز ەتۋدى ماقسات ەتىپ وتىر! مىز "، دەدى بەردىبەك ساپارباەۆ. 

سوڭعى جاڭالىقتار

ۇقساس جاڭالىقتار