بالالارىن تاربيەلەۋ بويىنشا مىندەتىن ورىنداماعانى ءۇشىن 3 اتا-انا, 8 كامەلەتكە تولماعان جاسوسپىرىمدەردىڭ تۇنگى مەزگىلدە كوڭىل-كوتەرۋ ورىندارىندا بولۋىنا جول بەرگەنى ءۇشىن 7 كافە-بار جانە مەيرامحانا يەلەرى, قازاقستان رەسپۋبليكاسىنىڭ الكوگول ونىمدەرىن ساتۋ ەرەجەلەرىن بۇزعانى جانە تەمەكى مەن تەمەكى ونىمدەرىن 21 جاسقا تولماعان تۇلعالارعا ساتقانى ءۇشىن 2 دۇكەن يەسى جانە كامەلەتكە تولماعانداردىڭ كوڭىل كوتەرۋ ورىندارىندا بولعانى جانە 67 ءجاسوسپىرىمنىڭ تۇنگى مەزگىلدە تۇرعىن ۇيدەن تىس جەردە بولعانى ءۇشىن 75 زاڭدى وكىل جاۋاپقا تارتىلدى. ودان باسقا قازاقستان رەسپۋبليكاسى اكىمشىلىك-قۇقىقبۇزۋشىلىق تۋرالى كودەكستىڭ باسقا دا باپتارى بويىنشا 44 حاتتاما تولتىرىلدى. سونداي-اق, ىشكى ىستەر ورگاندارىنىڭ ەسەبىنە 8 كامەلەتكە تولماعان ءجاسوسپىرىم جانە 6 جايسىز وتباسى قويىلدى. «جاسوسپىرىمدەر قىلمىستىلىعىنىڭ پروفيلاكتيكاسى پوليتسيا دەپارتامەنتى جەرگىلىكتى پوليتسيا قىزمەتى باسقارماسى باسشىلىعىنىڭ ءاردايىم ەرەكشە باقىلاۋىندا. وسى توپتىڭ كۇندەلىكتى جۇمىسى – قوعامدا قۇقىقبۇزۋشىلىقتارعا مۇلدەم توزبەۋشىلىكتى قالىپتاستىرىپ, سونداي-اق, كامەلەتكە تولماعاندار تاراپىنان جانە ولارعا قاتىستى زاڭسىز ارەكەتتەردى بولدىرماۋ جانە ولاردى ەسكەرتۋ», دەيدى وبلىستىق پوليتسيا دەپارتامەنتى جەرگىلىكتى پوليتسيا قىزمەتى باسقارماسى يۋۆەنالدىق پوليتسيا توبىنىڭ ينسپەكتورى نۇركەن ابدۋللين.
جامبىل وبلىسى
