احقو-نىڭ قارجىلىق قىزمەتتەر كورسەتۋدى رەتتەۋ جونىندەگى كوميتەتى (افسا) كەڭەس بەرۋ مەن ىنتىماقتاستىق جانە اقپارات الماسۋ تۋرالى باعالى قاعازدار جونىندەگى كوميسسيالاردىڭ حالىقارالىق ۇيىمىنىڭ (IOSCO) كەڭەيتىلگەن كوپجاقتى ءوزارا تۇسىنىستىك تۋرالى مەموراندۋمىنا (EMMoU) قول قويدى.
شەشىم 2020 جىلعى 9-18 قاراشا ارالىعىندا ۆيرتۋالدى تۇردە وتكەن IOSCO جىل سايىنعى جينالىسىنىڭ شەڭبەرىندە قابىلداندى. اتاپ ايتقاندا, افسا تۇتىنۋشىلاردى قورعاۋ, مىندەتتى ايعاقتار الۋ جانە اۋديتورلىق قۇجاتتارمەن الماسۋ ءۇشىن اكتيۆتەردى ماجبۇرلەپ توقتاتۋ سالاسىندا ترانسشەكارالىق ىنتىماقتاستىقتى جۇزەگە اسىرۋعا مۇمكىندىك بەرەتىن ا2 قوسىمشاسىنا (ACF وكىلەتتىگى) قول قويدى.
EMMoU كوپجاقتى ءوزارا تۇسىنىستىك مەموراندۋمىن (MMoU) تولىقتىراتىن باعالى قاعازدار مەن تۋىندى قارجى قۇرالدارى تۋرالى زاڭدار مەن ەرەجەلەردى ساقتاۋدى قامتاماسىز ەتۋدەگى حالىقارالىق ىنتىماقتاستىقتىڭ الەمدىك باعدارى بولىپ تابىلادى. 2002 جىلى قابىلدانعان العاشقى MMoU حالىقارالىق ترانسشەكارالىق ىنتىماقتاستىق پەن رەتتەۋشى ورگاندار اراسىنداعى باعالى قاعازدار تۋرالى اقپارات الماسۋ ءۇشىن جاھاندىق نەگىز جاسادى. الايدا كاپيتال نارىقتارىنىڭ جۇمىس ىستەۋ پروتسەسىنىڭ كۇردەلىلىگىن جانە سوڭعى تەحنولوگيالىق جەتىستىكتەردى ەسكەرە وتىرىپ, 2016 جىلى IOSCO كەڭەيتىلگەن كوپجاقتى ءوزارا تۇسىنىستىك تۋرالى مەموراندۋمدى قابىلدادى. EMMoU قول قويۋشىلارى ءبىر-بىرىنە قۇقىق قورعاۋ ورگاندارىنىڭ ترانسشەكارالىق ىنتىماقتاستىعىنداعى كومەكتىڭ جاڭا نىساندارىن ۇسىنۋعا كەلىسەدى, مىسالى, تۇتىنۋشىلاردى قورعاۋ ءۇشىن اكتيۆتەردى توقتاتۋ, ءماجبۇرلى ايعاقتار الۋ, اۋديتورلىق قۇجاتتارمەن الماسۋ جانە وزگە دە مۇمكىندىكتەر.
افسا EMMoU-عا قول قويعان ورتالىق جانە شىعىس ەۋروپا, ورتالىق ازيا جانە كاۆكاز وڭىرىندەگى العاشقى رەتتەۋشى بولدى. افسا الەمدىك وزىق تاجىريبەنى جەتىلدىرۋ جونىندەگى جۇمىستى ودان ءارى جالعاستىرۋعا جانە نەعۇرلىم كەڭ حالىقارالىق ىنتىماقتاستىققا جانە باعالى قاعازداردى رەتتەۋ ورگاندارىنىڭ قولداۋىنا ىقپال ەتۋگە نيەتتەنەدى.
ء“بىز ءۇشىن IOSCO-نىڭ كەڭەيتىلگەن MMoU-نا قول قويۋ ماڭىزدى, ويتكەنى ءبىز قۇقىق قولدانۋ سالاسىنداعى ترانسشەكارالىق ىنتىماقتاستىققا دايىنبىز جانە اشىقپىز. كاپيتال نارىقتارى جاھاندانعان جانە ءوزارا بايلانىستى ورتادا جۇمىس ىستەيدى جانە ءبىز حالىقارالىق ىنتىماقتاستىق پەن باعالى قاعازدار تۋرالى زاڭداردىڭ ساقتالۋىن قامتاماسىز ەتۋ ارقىلى نارىقتىڭ تۇتاستىعىن ساقتاپ, قارجىلىق قىزمەت تۇتىنۋشىلارىن قورعاي الاتىنىمىزعا سەنىمدىمىز”, دەيدى افسا-نىڭ باس ديرەكتورى مۇحتار بوبەەۆ.
