ۇيىمداستىرۋشىلاردىڭ ايتۋىنشا, جوبانىڭ نەگىزگى ماقساتى – مەكتەپ وقۋشىلارى مەن ءتۇرلى ەتنوس جاستارى اراسىندا مەملەكەتتىك ءتىل ارقىلى ۇلتتىق قۇندىلىقتاردى ناسيحاتتاۋ. «مىڭ بالا» جوباسى مەملەكەتتىك ءتىل ارقىلى تۋعان جەر, سالت-ءداستۇر, باۋىرمالدىق, دوستىق سوزدەرىمەن بالالاردى بىرىكتىرۋدى كوزدەيدى. جىل بويى وسى جوبا اياسىندا ەلىمىزدىڭ بارلىق وڭىرىندە قازاق ءتىلىن وقىتۋ باعدارلامالارى ازىرلەنىپ, ءتۇرلى شارا ءوتتى. ابايدىڭ 175 جىلدىعىنا وراي ۇلى ويشىلعا ارنالعان اكتسيا ۇيىمداستىرىلدى. جىلدان-جىلعا جەڭىمپازدار سانى ارتىپ كەلەدى. بۇل جوبا جاستارعا بيىكتەردى باعىندىرىپ, تابىسقا جەتۋىنە كومەكتەسەدى دەپ ۇمىتتەنەمىز», دەدى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ ماراپاتتاۋ راسىمىندە.
بيىلعى ەپيدەميالىق جاعدايعا بايلانىستى جوبا ونلاين فورماتتا ۇيىمداستىرىلعان. سوعان قاراماستان, قاتىسۋشىلار سانىندا شەك بولعان جوق. «ۇمىتكەرلەر وتە كوپ بولدى. ءبىز تۇتاس قازاقستاننان ۇزدىكتەردى تاڭدادىق. ولاردىڭ بارلىعى قازاق ءتىلىن جەتىك مەڭگەرگەن, قازاق داستۇرلەرىنە قۇرمەت كورسەتىپ قانا قويماي, تاريحتان دا جاقسى حاباردار», دەيدى قولدانبالى ەتنوساياسي زەرتتەۋلەر ينستيتۋتىنىڭ قىزمەتكەرى ۆيكتوريا ترەگۋبوۆا.
جەڭىمپازدار ء«تىل مەكتەبى», «اسىل ءسوز», «ابايدىڭ 175 جىلدىعىنا ارنالعان چەللەندج», ء«تيىمدى تىلدىك ورتا» اتتى ءتورت اتالىم بويىنشا ىرىكتەلدى.
بايقاۋعا جالپى ەلىمىز بويىنشا 1000-نان استام بالا قاتىسىپ, 65 قاتىسۋشى جەڭىسكە جەتتى. ونىڭ ىشىندە نۇر-سۇلتان قالاسى بويىنشا «اسىل ءسوز» اتالىمىندا №52 مەكتەپ-گيمنازياسىنىڭ 7-سىنىپ وقۋشىسى رۋسلان زاحارەنكو, №77 مەكتەپ-گيمنازياسىنىڭ 8-سىنىپ وقۋشىسى اناستاسيا تە ۇزدىك دەپ تانىلدى. ابايدىڭ 175 جىلدىعىنا ارنالعان چەللەندج جۇلدەسىن №77 مەكتەپ-گيمنازياسىنىڭ 10-سىنىپ وقۋشىسى لەيلا مونەرون دەيلين جەڭىپ الدى. ال ء«تيىمدى تىلدىك ورتا» اتالىمىندا №77 كرەمونەزي مەكتەپ-گيمنازياسىنىڭ 7-سىنىپ وقۋشىسى دجۋليا ارۋ جانە №79 مەكتەپ-ليتسەيىنىڭ 9-سىنىپ وقۋشىسى داريا زۋەۆا جەڭىمپاز اتاندى. جەڭىمپازدارعا گراموتالار مەن ەستەلىك سىيلىقتار بەرىلدى.
