ايماقتار • 12 قاراشا، 2020

شىمكەنتتە ۇشقىشسىز ۇشۋ اپپاراتى شىعارىلادى

241 رەت كورسەتىلدى

شىمكەنت قالاسىندا "Made in Kazakhstan" بەلگىسى بار ۇشقىشسىز ۇشاق اپپاراتتارىن "RoboAvia" جشس جاساپ شىعارادى، دەپ حابارلايدى Egemen.kz شىمكەنت قالاسى اكىمىنىڭ ءباسپاسوز قىزمەتىنە سىلتەمە جاساپ. 

قالا اكىمى مۇرات ايتەنوۆ قاراتاۋ اۋدانىنا بارعان ساپارىندا تاسساي تۇرعىن الابىنداعى اتالعان ءوندىرىس وشاعىنىڭ جۇمىس بارىسىمەن تانىستى.

"RoboAvia" جەكە كاسىپورنى 2015 جىلى قۇرىلعان. زاماناۋي جوعارى تەحنولوگيالىق ۇشقىشسىز ۇشۋ اپپاراتتارىن شىعارۋ جانە پايدالانۋ بويىنشا وتاندىق كاسىپورىن. سونداي-اق، قازاقستانداعى روبوتتاندىرىلعان اۋە قۇرالدارىن باسىنان باستاپ شىعاراتىن جالعىز كومپانيا.

1

سەرىكتەستىكتىڭ باستى باسىمدىعى - "Sapsan -3000" اپپاراتى. ەلەكتر قوزعالتقىشتان قۋات الاتىن ماقتاۋلى ۇشاق جۇمىس بارىسىندا 4-5 ساعات توقتاۋسىز اۋەدە قالىقتايدى. ساعاتىنا 110 شاقىرىم جىلدامدىقپەن ۇشادى. 40 شاقىرىم گرادۋس اينالاسىندا وپەراتورلارمەن بايلانىستا بولادى. بۇل ونىمگە سۇرانىس وتە جوعارى.

بۇل كاسىپورىندا 38 ادام تۇراقتى جۇمىسپەن قامتىلعان. ءوندىرىس ورنى تولىق قۋاتىندا جىلىنا 120 روبوتتاندىرىلعان ۇشاق شىعارۋعا قاۋقارلى.

2

دروندى ۇشاقتاردى پايدالانۋدىڭ ماڭىزدى ارتىقشىلىعى – ۇلكەن اۋماقتاردى ناقتى ۋاقىتتا قاراۋ جانە اۆتوماتتى پاترۋلدەۋ مۇمكىندىگى. پيلوتسىز ۇشۋ اپپاراتتارىن ءبىر كۇن پايدالانعاننىڭ وزىندە 8000 گەكتاردان اساتىن اەروفوتوتۇسىرىلىم جاساۋعا بولادى (ۇشۋ بيىكتىگى 1500 م). سونىمەن قاتار، بۇل ۇشاقتاردان تۇسىرىلگەن اەروتۇسىرىلىم بيىكتىكتەن سۋرەتكە ءتۇسىرۋدىڭ بارلىق ادىستەرىنەن الدەقايدا جاقسى. بۇل ۇشۋ اپاراتتارى مۇنايدىڭ توگىلۋى مەن اعىپ كەتۋلەرىن انىقتايدى، ينفراقۇرىلىم مەن كىرەتىن جولداردىڭ جاعدايىن تالدايدى. اەروفوتوتۇسىرىلىم ناتيجەلەرىنە سۇيەنە وتىرىپ، ولاردىڭ كومەگىمەن زاڭسىز مۇناي ايداۋ، بوتەن كولىكتەر مەن قۇرىلىمدار، زاڭسىز جەردى پايدالانۋ جانە باسقا دا رۇقسات ەتىلمەگەن ءىس-ارەكەتتەر انىقتاۋعا مۇمكىندىك بەرەدى ەكەن.

الىپ كاسىپورىننىڭ جۇمىسىمەن تانىسقان شىمكەنت قالاسىنىڭ اكىمى ۇشقىشسىز اپپاراتتاردىڭ مۇمكىندىگىن پايدالانا وتىرىپ، بارلىق سالادا ءتيىمدى پايدالانۋ تۇستارىن زەردەلەۋدى جانە قولدانۋ قاجەتتىگىن ايتتى.

3

سوڭعى جاڭالىقتار

كۇرەسكەر گەينە

ادەبيەت • بۇگىن، 23:17

اجالدى جەڭگەن اسپان

ادەبيەت • بۇگىن، 23:16

اعاش كوشەتى ەگىلدى

ايماقتار • بۇگىن، 23:08

تسيفرلاندىرۋعا باسىمدىق بەردى

قازاقستان • بۇگىن، 23:07

Superpave تەحنولوگياسى ەنگىزىلەدى

قازاقستان • بۇگىن، 23:06

شىمبۇلاقتاعى شاڭعى ماۋسىمى

تۋريزم • بۇگىن، 22:52

قاسقىر

ونەر • بۇگىن، 22:50

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار