جەتى قالامگەرگە ستيپەنديا تاعايىندالدى

قالامگەرلەردىڭ باسقو­سۋىندا وبلىس اكىمى ءسوز سوي­لەپ, اقىن-جازۋشىلاردى قۇت­تىقتادى. اقتوبە توپى­راعى تۇلەتكەن تالانتتى قالام­گەرلەر تۋرالى بايانداپ, ولار­دىڭ قا­زاق ادەبيەتىنە قوس­قان ەلەۋلى ەڭبەكتەرىنىڭ ۇمى­تىلمايتىنىن اتاپ ءوتتى. سونىڭ ىشىندە نۇرپەيىس بايعانين, تاحاۋي احتانوۆ, قۋان­دىق شاڭعىتباەۆ, جيەن­عالي تىلەپبەرگەنوۆ, ساعي جيەنباەۆ, وتەجان نۇرعاليەۆ, توبىق جارماعامبەتوۆ, ەسەن­باي دۇيسەنباەۆ, قاجىعالي مۇ­قانبەتقاليەۆ سىندى ادە­بيەت­تىڭ ءبىر-ءبىر بيىگى سانالعان قالام­گەرلەرگە ەرەكشە توق­تالدى. سون­داي-اق اتالمىش ءىس-شا­را­نىڭ ەلدىڭ رۋحاني دامۋىنا, قازاق ادەبيەتىنىڭ ءوسىپ-وركەندەي بەرۋىنە تىڭ سەرپىن بەرەتىنىن دە جەتكىزدى.

وسى جەردە ايتا كەتۋ كەرەك, اقتوبە وبلىسى باس­شى­­لىعى ءبىراز جىلداردان بەرى قالامگەرلەر مەن ونەر شەبەرلەرىنىڭ شىعار­ماشى­لىعىنا جان-جاقتى قام­قورلىق كورسەتىپ كەلەدى. مىسالى, وت­كەن جىلى ءىزتاي مامبەتوۆ, ساعي جيەنباەۆ جانە توبىق جار­ماعامبەتوۆتەردىڭ مەرەي­تويلارى كەڭ كولەمدە اتالىپ وتكەن بولاتىن. وعان قوسا «اق­توبە كىتاپحاناسى» سەرياسىمەن 50 تومدىق كىتاپ جارىق كورگەنى بەلگىلى. ادەبيەت الە­مىندە وشپەستەي ءىز قالدىرعان اق­توبەلىك اقىن-جازۋشىلاردىڭ قۇرمەتىنە جەتى اتاۋلى ستيپەنديا تاعايىندالعان ەدى. كەشەگى ءىس-شارا بارىسىندا سول جەتى ستيپەنديا ءوز يە­لەرىن تاپتى. وعان قوسا كەلەر جىلى التى قالامگەرگە وسىنداي اتاۋلى ستيپەنديا تاعايىندالاتىنى حابارلاندى. سونىمەن, اقتوبەلىك قالامگەرلەردىڭ قۇرمەتىنە ارقايسىسى ءبىر ميلليون تەڭگە كو­لەمىندەگى ستيپەنديالار تو­مەندەگى اقىن-جازۋشىلارعا بەرىلدى: دراماتۋرگيا جانرى بويىنشا تاحاۋي احتانوۆ اتىنداعى سىيلىقتى سەرىك اسىلبەك ۇلى, ادەبي كوركەم اۋدارما جانرى بويىنشا قۋاندىق شاڭعىتباەۆ اتىنداعى سىيلىقتى بايبوتا قوشىم-نوعاي, باللادالار مەن داستاندار بويىنشا ساعي جيەنباەۆ اتىنداعى سىيلىقتى جانات اسكەربەكقىزى, پروزا جانرى بويىنشا توبىق جارماعامبەتوۆ اتىنداعى سىيلىقتى مارحابات بايعۇت, ساتيرا جانرى بويىنشا ۇم­بەت­باي ۋايدين اتىنداعى سىيلىقتى قونىسباي ءابىل, پو­ەزيا جانرى بويىنشا تو­لەگەن ايبەرگەنوۆ اتىنداعى سىيلىقتى ولجاس قاسىم جانە بالالارعا ارنالعان شى­عار­مالار بويىنشا ءىزتاي مام­بەتوۆ اتىنداعى سىيلىقتى ەرتاي اشىقباەۆ ەنشىلەدى.

قازاقستان جازۋشىلار ودا­عى باسقارماسىنىڭ باسشى­سى ۇلىقبەك ەسداۋلەت باس­تاپ كەلگەن ارنايى قوناقتار وبلىس اكىمىنە ءوڭىردىڭ شىعار­ماشىلىق زيالى قاۋىم وكىلدە­رىنە كورسەتىپ وتىرعان قولداۋى ءۇشىن العىس ايتتى. وبلىس اكىمى و.ورازالين كەزدەسۋ سوڭىندا قالامگەرلەرگە سان-سالالى قول­داۋ كورسەتۋدى جالعاستىرا بە­رەتىندىكتەرىن جەتكىزدى.