قازاقستاندىقتار الداعى ۇلتتىق جانە مەملەكەتتىك مەرەكەلەرگە وراي جەلتوقسان ايىندا قاتارىنان ءۇش كۇن دەمالاتىن بولادى. بۇل تۋرالىTengrinews.kz ءتىلشىسى حابارلادى.
«قر مەرەكەلەرى جايىنداعى» زاڭعا وراي 1 جەلتوقسان - تۇڭعىش پرەزيدەنت كۇنى مەملەكەتتىك مەرەكەسى, ال 16-17 جەلتوقسان تاۋەلسىزدىك كۇنى ۇلتتىق مەيرامى بولىپ تابىلادى. سوندىقتان بۇل ەلىمىزدە مەرەكەلىك كۇندەر بولىپ ەسەپتەلەدى.
وسىعان وراي بيىلعى جەلتوقسان, ياعني تۇڭعىش پرەزيدەنت كۇنى جەكسەنبى كۇنگە سايكەس كەلىپ وتىرعاندىقتان, 2 جەلتوقسان سەيسەنبى كۇنى دە مەرەكەلىك كۇن رەتىندە قابىلداندى. قازاقستاندىقتار بۇل مەرەكەدە سەنبى, جەكسەنبى كۇنىمەن قاتار 1 جەلتوقسان, دۇيسەنبى كۇنى دە دەمالاتىن بولادى. ال تاۋەلسىزدىك كۇنى مەرەكەسى زاڭعا سايكەس ەكى كۇن تويلاناتىنى بەلگىلى. بۇل جولعى 16-17 جەلتوقسان كۇندەرى دۇيسەنبى جانە سەيسەنبىمەن تۇسپا-تۇس كەلدى. سوندىقتان قازاقستان حالقى سەنبى-جەكسەنبى كۇندەرىن ەسەپتەمەگەندە, بۇل مەرەكەدە قوسىمشا ەكى كۇن دەمالاتىن بولادى.
ەستەرىڭىزگە سالا كەتەيىك, قازاقستان حالقى تۇڭعىش پرەزيدەنت كۇنىن وتكەن جىلى العاش رەت مەملەكەتتىك مەرەكە رەتىن اتاپ ءوتتى. بيىل بۇل مەرەكە ەكىنشى مارتە مەملەكەتتىك دەڭگەيدە اتالىپ وتىلسە, ال ەلىمىزدىڭ تاۋەلسىزدىك العانىنا بيىل 22 جىل تولىپ وتىر. سوندىقتان ەكى مەرەكەنىڭ دە مەملەكەتىمىز ءۇشىن ماڭىزى وراسان.
ەرباقىت جالعاسباەۆ.
