بۇل قازىرگى كەزەڭدەگى كوروناۆيرۋس پاندەمياسىنا قاراماستان ەلىمىزدىڭ بارلىق ازاماتتارىنا كونستيتۋتسيادا كورسەتىلگەن سايلاۋ قۇقىن پايدالانۋعا مۇمكىندىك بەرەتىن دۇرىس شەشىم. سايلاۋ – كەز كەلگەن مەملەكەتتىڭ دەموكراتيالىق دامۋىنىڭ اجىراماس بولىگى.
كونستيتۋتسيالىق مەرزىمدە وتكىزىلەتىن بۇل سايلاۋ ايەلدەر مەن جاستارعا 30 پايىزدىق كۆوتا قاراستىرىلۋى, پارلامەنتتىك وپپوزيتسيا ينستيتۋتىنىڭ ەنگىزىلۋى, سونداي-اق ءماسليحات دەپۋتاتتارىنىڭ پارتيالىق تىزىممەن سايلانۋى سياقتى بەلگىلى ءبىر جاڭاشىلدىقتارىمەن ەرەكشەلەنبەك. ءبىز, ەل تۇرعىندارىنىڭ اۋقىمدى بولىگىنىڭ مۇددەسىن ارقالاعان پارتيا رەتىندە, اتالمىش وزگەرىستەر حالقىمىزدىڭ ساياسي پارتيالار ينستيتۋتىنا دەگەن سەنىمىن ارتتىرا تۇسەدى دەپ ەسەپتەيمىز.
سونداي-اق وسى جولعى سايلاۋ كوپپارتيالىق پارلامەنتتىڭ قالىپتاسۋىنا سەبەپكەر بولىپ, قوعامنىڭ جاڭارۋعا دەگەن سۇرانىسىن قاناعاتتاندىرادى دەپ ويلايمىز.
كوپپارتيالىق پارلامەنت – قازىرگى زاماننىڭ تالابى, قازاقستانداعى ساياسي جاڭعىرۋدىڭ جاڭا كەزەڭى.
ساياسي پارتيالار اراسىنداعى ءادىل باسەكەلەستىك پەن سايلاۋ ۇدەرىسى مەن داۋىستاردى ساناۋداعى اشىقتىق قانا قازاقستاننىڭ ودان ءارى دامۋىنىڭ كەپىلى بولا الادى دەپ ەسەپتەيمىز.
«اۋىل» حالىقتىق-دەموكراتيالىق پاتريوتتىق پارتياسىنىڭ ساياسي كەڭەس پرەزيديۋمى
