اۋا رايى • 20 قازان، 2020

بيىل قازاقستاندا قىس قانداي بولادى؟

3612 رەت كورسەتىلدى

"قازگيدرومەت" رمك بيىل قازاقستاندا قىس جىلى بولاتىنىن جاريالادى، دەپ حابارلايدى Egemen.kz.

ستنوپتيكتەردىڭ حابارلاۋىنشا، 2020-2021 جىلى قىس وتكەن جىلداعىداي جىلى جانە جاۋىن-شاشىنعا مول بولادى دەپ كۇتىلۋدە.

وتكەن جىلدىڭ قىسىندا قازاقستان اۋماعىنا اتلانتيكا اۋداندارىنان جىلى جانە ىلعالدى اۋا ماسسالارىن اكەلەتىن باتىس تاسىمالى ءجيى جۇزەگە اسىرىلدى. جەر بەتىندەگى قاباتتا بەلسەندى تسيكلون مەن اتموسفەرالىق فرونتتاردىڭ ءجيى ءوتۋى بايقالدى، وسىعان بايلانىستى رەسپۋبليكانىڭ باسىم بولىگىندە مول جاۋىن-شاشىن جاۋدى. بۇل پروتسەسستىڭ ەڭ ۇلكەن اسەرى ەلدىڭ سولتۇستىك-شىعىسىندا جانە ورتالىعىندا بايقالدى، بىرقاتار تەرەڭ تسيكلون وتە قولايسىز اۋا-رايىن اكەلدى. بورانمەن ءجيى جانە قاتتى قار جاۋدى، ولاردىڭ ۇزاقتىعى 12-25 ساعات، كورىنۋ قاشىقتىعىنىڭ ناشارلاۋى 50 م دەيىن جەتتى، جەل 30-35 م/س دەيىن كۇشەيدى.

الداعى قىستا قازاقستان اۋماعى بويىنشا تەمپەراتۋرالىق فون كليماتتىق نورمادان 1-2°س جوعارى، تەك ەلىمىزدىڭ وڭتۇستىك، وڭتۇستىك-شىعىس، شىعىس ايماقتارىنىڭ تاۋلى جانە تاۋ بوكتەرلى اۋداندارىندا – نورما شاماسىندا كۇتىلۋدە.

جەلتوقسان مەن قاڭتار ايلارىندا ەلىمىزدىڭ باسىم بولىگىندە اۋا رايى جاۋىن-شاشىندى بولادى، تەك باتىس وڭىرلەرىندە – از كۇتىلەدى، اقپان ايىندا جاۋىن-شاشىن مولشەرى ەلدىڭ باسىم بولىگىندە نورمادان كوپ، ال وڭتۇستىك-باتىس جارتىسىندا نورما شاماسىندا بولجانادى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار