ۆيدەو • 12 قازان، 2020

وتكەن اپتانىڭ وزەكتى جاڭالىقتارى

397 رەت كورسەتىلدى

كەزەكتى توپتامادا ەلدە جانە الەمدە بولعان ماڭىزدى وقيعالارعا شولۋ جاسايمىز. وتكەن اپتادا ەلدە جانە جاھاندا بىرقاتار ەلەۋلى وقيعا بولدى. اتاپ وتسەك، مەملەكەت باسشىسى كوروناۆيرۋس ىندەتىنىڭ ەكىنشى كەزەڭىنە دايىندىق ماسەلەلەرى بويىنشا كەڭەستە ءسوز سويلەدى. وندا پرەزيدەنت قاسىم-جومارت توقاەۆ پاندەمياعا جانە ەكونوميكالىق داعدارىسقا توتەپ بەرۋ ءۇشىن مەملەكەت بارلىق قاجەتتى شارالاردى قابىلداپ جاتقانىن، الايدا بۇل جۇمىستى بۇكىل ەل بولىپ، جۇمىلا بىلسەك قانا ءوز ناتيجەسىن بەرەتىنىن جەتكىزدى، دەپ حابارلايدى Egemen.kz

الماتى اۋەجايىندا سانيتارلىق-ەپيدەميالىق باقىلاۋ كۇشەيدى

الماتى اكىمى باقىتجان ساعىنتاەۆتىڭ تاپسىرماسى بويىنشا ەپيدەمياعا قارسى رەجيمدى كۇشەيتۋ جانە مەگاپوليستى شەتەلدەن كوروناۆيرۋس اكەلۋدەن قوسىمشا قورعاۋ شارالارى قابىلداندى.

1

قاسىم-جومارت توقاەۆ استىق جيناۋ ناۋقانىن اياقتاعان اۋىل ەڭبەككەرلەرىن قۇتتىقتادى

مەملەكەت باسشىسى قاسىم-جومارت توقاەۆتىڭ استىق جيناۋ ناۋقانىنىڭ تابىستى اياقتالۋىنا بايلانىستى قۇتتىقتادى. سونداي-اق پرەزيدەنت "قاجىرلى ەڭبەگى مەن ديقانشىلىق مىندەتكە دەگەن ادالدىعى ءۇشىن بارلىق اۋىل ەڭبەككەرلەرىنە، ارداگەرلەرگە، ءوندىرىس وزاتتارىنا ريزاشىلىعىمدى بىلدىرەمىن!"، دەپ جىلى لەبىزىن جەتكىزدى.

1

بيىل ەگىن جيناۋ ناۋقانى ءبىر ايعا ەرتە اياقتالدى

ەگىن جيناۋ جۇمىستارى وتكەن جىلعا قاراعاندا ءبىر اي بۇرىن ەرتە اياقتالعان. بۇعان قولايلى اۋا-رايى مەن شارۋالاردىڭ تەحنيكالىق دايىندىعى ىقپال ەتىپ، 2019 جىلمەن سالىستىرعاندا ەلەۆاتورلارعا 1 ملن توننا استىق اكەلگەن. بۇل رەتتە كەلىپ تۇسكەن استىقتىڭ 80 پايىزىنىڭ ساپالىق سيپاتتامالارى جوعارى، ال 2019 جىلى بۇل كورسەتكىش 54،4 پايىزدى عانا قۇرادى.

1

قازاق كولىك جانە كوممۋنيكاتسيا اكادەمياسى باس ليتسەنزياسىنان ايىرىلدى

بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى م.تىنىشپاەۆ اتىنداعى قازاق كولىك جانە كوممۋنيكاتسيا اكادەمياسىن (الماتى ق.) باس ليتسەنزياسىنان ايىرۋ تۋرالى شەشىم قابىلدادى. شەشىم 10 جۇمىس كۇنى وتكەننەن كەيىن زاڭدى كۇشىنە ەنەدى، كەيىن جوعارى وقۋ ورنى ءبىلىم بەرۋ سالاسىنداعى قىزمەتىن توقتاتۋعا مىندەتتى بولادى.

 1

ەلباسىنىڭ "Egemen Qazaqstan" گازەتىندە "اباي اماناتى" اتتى ماقالاسى جاريالاندى

نۇرسۇلتان نازارباەۆ پرەزيدەنت رەتىندەگى وكىلەتتىگىن ءوز ەركىمەن توقتاتۋ تۋرالى شەشىم قابىلداماس بۇرىن بولاشاق ەل باسقارار ازاماتقا قاجەت قايراتكەرلىك تاجىريبە مەن تاعىلىم جايىن قالاي سارالاعانىن ايتىپ بەردى. بۇل تۋرالى ەلباسىنىڭ "Egemen Qazaqstan" گازەتىندە جاريالانعان "اباي اماناتى" اتتى ماقالاسىندا جازىلعان.

 1

145 كوللەدج 330 ماماندىق بويىنشا ستۋدەنتتەردى وقىتۋ قۇقىعىنان ايىرىلدى

قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى بارلىق قازاقستاندىق كوللەدجدىڭ ءبىلىم بەرۋ قىزمەتىنە مونيتورينگ جۇرگىزىپ جاتىر. تالداۋ ناتيجەلەرى بويىنشا 145 ءبىلىم بەرۋ ۇيىمى 330 ماماندىق بويىنشا ليتسەنزياعا قوسىمشالارىن ءوز ەركىمەن قايتارىپ بەردى.

 1

مەملەكەتتىك قىزمەتشىلەرگە قۇندى سىيلىقتار تارتۋ ەتۋگە تىيىم سالىندى

مەملەكەت باسشىسى سىبايلاس جەمقورلىق كورىنىستەرىن جۇيەلى تۇردە الدىن الۋ بويىنشا قوسىمشا شارالار ەنگىزۋگە باعىتتالعان زاڭعا قول قويدى.

 1

ديماش بۇۇ دۇنيەجۇزىلىك ازىق-ت ۇلىك باعدارلاماسىنا قولداۋ كورسەتەدى

ديماش قۇدايبەرگەن «Michael Kors»  برەندىمەن سەرىكتەستىگىن جاريالادى. ماقسات  بۇۇ-نىڭ دۇنيەجۇزىلىك ازىق-ت ۇلىك باعدارلاماسى ارقىلى الەمدەگى اشارشىلىق ماسەلەسىنە نازار اۋدارۋ. بۇل تۋرالى dimashnews.com حابارلادى.

 1

ترامپتىڭ كوروناۆيرۋستان ەمدەلۋىنە قانشا قاراجات كەتتى؟

اقش پرەزيدەنتى دونالد ترامپتىڭ كوروناۆيرۋس ىندەتىنەن ەمدەلۋىنە 100 مىڭ دوللاردان اسا قاراجات كەتكەن.

 1

بىشكەكتە توتەنشە جاعداي رەجىمى ەنگىزىلدى

قىرعىزستان پرەزيدەنتى بىشكەك اۋماعىندا 9 قازان كۇنى ساعات 20:00-دەن باستاپ توتەنشە جاعداي رەجىمىن ەنگىزدى.

 1

قاسىم-جومارت توقاەۆ پەن تاجىكستان، تۇرىكمەنستان جانە وزبەكستان پرەزيدەنتتەرى بىرلەسكەن مالىمدەمە جاسادى

قازاقستان، تاجىكستان، تۇرىكمەنستان جانە وزبەكستان رەسپۋبليكالارى پرەزيدەنتتەرىنىڭ قىرعىز رەسپۋبليكاسىنداعى وقيعا تۋرالى بىرلەسكەن مالىمدەمەسى جاريالاندى.

 1

سولتۇستىكتەگى بۋلاەۆ قالاسى كارانتينگە جابىلدى

بۇگىن، 9 قازاننان باستاپ سولتۇستىك قازاقستان وبلىسىنداعى بۋلاەۆ قالاسى كوروناۆيرۋس ىندەتىن جاپپاي جۇقتىرۋدىڭ الدىن الۋ ماقساتىندا قاتاڭ كارانتينگە جابىلدى.

 2

جانىبەك ءالىمحان ۇلى قارسىلاسىن نوكاۋتپەن جەڭدى

بۇگىن تاڭەرتەڭ لاس-ۆەگاستا (نەۆادا، اقش) قازاقستاندىق بوكسشى جانىبەك ءالىمحان ۇلىنىڭ (8-0، 4 كو) جەكپە-جەگى ءوتتى.

1

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار