جاڭبىر, نايزاعاي جانە +35°س-قا دەيىنگى اپتاپ ىستىق: قازاقستاننىڭ بىرقاتار وڭىرىندە داۋىلدى ەسكەرتۋ جاريالاندى

ۇلىتاۋ وبلىسىندا تۇندە وبلىستىڭ باتىسىندا, سولتۇستىگىندە جانە شىعىسىندا ازداعان جاڭبىر جاۋىپ, نايزاعاي وينايدى. كۇندىز سولتۇستىك, شىعىس جانە وڭتۇستىك اۋدانداردا جاڭبىر, نايزاعاي جانە بۇرشاق كۇتىلەدى. وڭتۇستىك-باتىستان جانە باتىستان سوعاتىن جەلدىڭ ەكپىنى شىعىس پەن وڭتۇستىكتە 15-20 م/س-قا جەتەدى. ءورت قاۋپىنىڭ جوعارى دەڭگەيى ساقتالادى. جەزقازعاندا تۇندە ازداعان جاڭبىر مەن نايزاعاي بولادى.

قاراعاندى وبلىسىندا باتىس, سولتۇستىك جانە شىعىس اۋدانداردا جاڭبىر, نايزاعاي, بۇرشاق بولجانادى. جەلدىڭ ەكپىنى كۇندىز 15-20 م/س-قا دەيىن كۇشەيەدى. ءورت قاۋپى جوعارى دەڭگەيدە ساقتالسا, وبلىستىڭ باتىسىندا, سولتۇستىگىندە جانە ورتالىعىندا توتەنشە ءورت قاۋپى كۇتىلەدى. قاراعاندىدا تاڭەرتەڭ جانە كۇندىز جاڭبىر جاۋىپ, نايزاعاي بولادى.

ماڭعىستاۋ وبلىسىندا وبلىستىڭ باتىسىندا, سولتۇستىك-شىعىسىندا جانە ورتالىعىندا جاڭبىر مەن نايزاعاي كۇتىلەدى. اقتاۋدا دا ارا-تۇرا جاڭبىر جاۋىپ, نايزاعاي وينايدى. باتىس بولىكتە ءورت قاۋپى جوعارى دەڭگەيدە ساقتالادى.

جامبىل وبلىسىندا تاۋلى اۋدانداردا وتكىنشى جاڭبىر مەن نايزاعاي بولادى. تاۋلى وڭىرلەردە جەلدىڭ ەكپىنى 15-20 م/س-قا دەيىن جەتەدى. ءورت قاۋپى جوعارى, ال باتىس بولىگىندە توتەنشە دەڭگەيدە ساقتالادى. تارازدا دا جوعارى ءورت قاۋپى ساقتالادى.

اقتوبە وبلىسىندا تۇندە وبلىستىڭ باتىسى مەن وڭتۇستىگىندە ازداعان جاڭبىر جانە نايزاعاي بولادى. كۇندىز سولتۇستىك, وڭتۇستىك جانە شىعىس اۋدانداردا جاڭبىر, نايزاعاي جانە بۇرشاق كۇتىلەدى. كەي جەرلەردە تۇمان تۇسەدى. وڭتۇستىكتە توتەنشە ءورت قاۋپى ساقتالادى.

جەتىسۋ وبلىسىندا تاۋلى اۋدانداردا ازداعان جاڭبىر جاۋادى. باتىس, وڭتۇستىك جانە تاۋلى ايماقتاردا نايزاعاي كۇتىلەدى. الاكول ماڭىندا جەلدىڭ ەكپىنى 15-20 م/س بولادى. اۋا تەمپەراتۋراسى +35°س-قا دەيىن كوتەرىلەدى. سولتۇستىك پەن شىعىستا توتەنشە ءورت قاۋپى ساقتالادى.

قىزىلوردا وبلىسىندا جاڭبىر, نايزاعاي جانە ەكپىندى جەل كۇتىلەدى. وڭىردە توتەنشە ءورت قاۋپى ساقتالىپ وتىر.

الماتى وبلىسىندا وڭتۇستىك جانە تاۋلى اۋدانداردا وتكىنشى جاڭبىر مەن نايزاعاي بولادى. كەي جەرلەردە جەلدىڭ ەكپىنى 15-20 م/س-قا جەتەدى. كۇندىز اۋا تەمپەراتۋراسى +35°س-قا دەيىن, ال وبلىستىڭ سولتۇستىگىندە +38°س-قا دەيىن كوتەرىلەدى. قوناەۆتا +35°س اپتاپ ىستىق كۇتىلەدى. ىلە الاتاۋىندا نايزاعايلى جاڭبىر بولجانۋدا.

باتىس قازاقستان وبلىسىندا جاڭبىر, نايزاعاي, بۇرشاق جانە داۋىل كۇتىلەدى. ورالدا دا كۇندىز بۇرشاق جاۋىپ, داۋىل تۇرۋى مۇمكىن.

قوستاناي وبلىسىندا جاڭبىر مەن نايزاعاي بولادى. كەي جەرلەردە قاتتى جاڭبىر, بۇرشاق جانە داۋىل كۇتىلەدى. كەي وڭىرلەردە تۇمان تۇسەدى.

شىعىس قازاقستان وبلىسىندا جاڭبىر, نايزاعاي, بۇرشاق جانە داۋىل بولجانۋدا. اۋا تەمپەراتۋراسى +35°س-قا دەيىن كوتەرىلەدى. ءورت قاۋپى جوعارى دەڭگەيدە ساقتالادى.

اباي وبلىسىندا جاڭبىر, نايزاعاي, بۇرشاق جانە داۋىل كۇتىلەدى. كەي جەرلەردە جەلدىڭ ەكپىنى 25 م/س-قا دەيىن جەتۋى مۇمكىن. اۋا تەمپەراتۋراسى +35°س-قا دەيىن كوتەرىلەدى. ءورت قاۋپى جوعارى جانە توتەنشە دەڭگەيدە ساقتالادى.

اتىراۋ وبلىسىندا جاڭبىر مەن نايزاعاي كۇتىلەدى. كەي اۋدانداردا جەلدىڭ ەكپىنى 15-18 م/س-قا جەتەدى.

پاۆلودار وبلىسىندا جاڭبىر, نايزاعاي, بۇرشاق جانە داۋىل بولجانۋدا. ءورت قاۋپى جوعارى دەڭگەيدە ساقتالادى.

تۇركىستان وبلىسىندا تاۋلى اۋدانداردا وتكىنشى جاڭبىر مەن نايزاعاي بولادى. سولتۇستىكتە كۇندىز شاڭدى داۋىل كۇتىلەدى. ءوڭىردىڭ باسىم بولىگىندە توتەنشە ءورت قاۋپى ساقتالادى. شىمكەنتتە جوعارى ءورت قاۋپى, ال تۇركىستان قالاسىندا توتەنشە ءورت قاۋپى ساقتالادى.

اقمولا وبلىسىندا جاڭبىر, نايزاعاي جانە بۇرشاق كۇتىلەدى. كەي جەرلەردە تۇمان تۇسەدى. ءورت قاۋپى جوعارى دەڭگەيدە ساقتالادى.

سولتۇستىك قازاقستان وبلىسىندا جاڭبىر, نايزاعاي, بۇرشاق جانە داۋىل بولادى. كەي اۋدانداردا قاتتى جاڭبىر جاۋى مۇمكىن.

استانادا ارا-تۇرا جاڭبىر جاۋىپ, نايزاعاي وينايدى. كۇندىز بۇرشاق جاۋى ىقتيمال. جەلدىڭ ەكپىنى 15-18 م/س-قا دەيىن جەتەدى. قالادا جوعارى ءورت قاۋپى ساقتالادى.