قازاقستان • 07 قازان، 2020

مەمقىزمەتشىلەرگە قۇندى سىيلىقتار تارتۋ ەتۋگە تىيىم سالىندى

41 رەت كورسەتىلدى

مەملەكەت باسشىسى سىبايلاس جەمقورلىق كورىنىستەرىن جۇيەلى تۇردە الدىن الۋ بويىنشا قوسىمشا شارالار ەنگىزۋگە باعىتتالعان زاڭعا قول قويدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ ءمالىم ەتتى.

ونىڭ ايتۋىنشا، قازىرگى ۋاقىتتا قىلمىستىق كودەكستىڭ 367-بابىنا سايكەس («پارا بەرۋ») مەملەكەتتىك فۋنكتسيالاردى اتقارۋعا ۋاكىلەتتى تۇلعالارعا، ولارعا تەڭەستىرىلگەن تۇلعالارعا، جاۋاپتى مەملەكەتتىك لاۋازىمدى اتقاراتىن تۇلعالارعا نەمەسە لاۋازىمدى تۇلعالارعا بۇرىن جاساعان زاڭدى ارەكەتتەرى (ارەكەتسىزدىگى) ءۇشىن قۇنى 2 ايلىق ەسەپتىك كورسەتكىشتەن اساتىن سىيلىقتار تارتۋ قىلمىستىق جاۋاپكەرشىلىككە اكەپ سوعادى.

«ازاماتتىق كودەكستىڭ 509-بابىمەن كوزدەلگەن نورمانى قىلمىستىق جانە اكىمشىلىك كودەكستەرىنىڭ نورمالارىمەن سايكەس كەلتىرۋ تۋرا كەلدى. «سىبايلاس جەمقورلىققا قارسى ءىس-قيمىل تۋرالى» زاڭدا سىبايلاس جەمقورلىققا قارسى شەكتەۋلەر قابىلدايتىن تۇلعالاردىڭ وتباسى مۇشەلەرىنىڭ ماتەريالدىق سىياقى، سىيلىقتار نەمەسە كورسەتىلەتىن قىزمەتتەردى قابىلداۋىنا تىيىم سالىنادى»، - دەدى و. بەكتەنوۆ.

سپيكەردىڭ اتاپ وتۋىنشە، اكىمشىلىك قۇقىق بۇزۋشىلىق تۋرالى كودەكستىڭ 676، 678-باپتارىنا سايكەس، جەكە نەمەسە زاڭدى تۇلعالاردىڭ اتالعان تۇلعالارعا زاڭسىز سىيلىقتار بەرۋى اكىمشىلىك سىبايلاس جەمقورلىق ارەكەت بولىپ سانالادى. قۇنى 2 ايلىق ەسەپتىك كورسەتكىشكە دەيىنگى سىيلىق اكىمشىلىك جاۋاپكەرشىلىككە اكەپ سوعادى، قۇنى 2 ايلىق ەسەپتىك كورسەتكىشتەن جوعارى سىيلىق قىلمىستىق جاۋاپكەرشىلىككە اكەپ سوعادى.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار