سونىمەن قاتار ەلىمىزدىڭ باسقا ايماقتارىمەن سالىستىرعاندا, ەلوردالىق سپورتشىلاردى اي سايىن اقشالاي قامتاماسىز ەتۋ مولشەرى ەڭ تومەنگى كورسەتكىشتى كورسەتكەن.
وسىعان وراي دەنە شىنىقتىرۋ جانە سپورت باسقارماسى تاراپىنان قالالىق ءماسليحات پەن قوعامدىق كەڭەسكە ۇسىنىس جاسالىپ, اتالعان ماسەلەنى قالا اكىمى التاي كولگىنوۆ قاراستىرا كەلە, اي سايىنعى تولەمدەردى ۇلعايتۋعا قولداۋ ءبىلدىردى.
"ايلىق تولەمدەردى كوبەيتۋ ەلوردا سپورتشىلارىنىڭ ماتەريالدىق قاجەتتىلىكتەرىن شەشىپ, سپورتتا جوعارى ناتيجەلەرگە جەتۋىنە سەپتىگىن تيگىزەدى. ۇلعايتىلعان تولەمدەر بيىل قازان ايىنان باستاپ سپورتشىلارعا تولەنەتىن بولادى", دەدى نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى ەرعاليەۆ سامات سەرىكقان ۇلى.
اي سايىن تولەنەتىن اقشالاي قامتاماسىز ەتىلەتىن سپورتشىلار: سپورت تۇرلەرى بويىنشا قر قۇراما كوماندالارىنىڭ (ۇلتتىق قۇراما كومانداعا كىرەتىن) قۇرامىنا كىرەتىن ەلوردالىق سپورتشىلار, ولاردىڭ جاتتىقتىرۋشىلارىنا, سونداي-اق سپورتتىق ويىن تۇرلەرى بويىنشا قر قۇراما كوماندالارىنىڭ (ۇلتتىق قۇراما كوماندالاردىڭ) قۇرامىندا ونەر كورسەتەتىن سپورتشىلارعا, ولاردىڭ جاتتىقتىرۋشىلارى مەن كلۋبتىق كوماندالاردىڭ جەتەكشىلەرىنە بەرىلەدى.
ەگەر جاڭا قاۋلىعا دەيىن وليمپيادالىق سپورت تۇرلەرى بويىنشا وليمپيادا ويىندارىنىڭ قورىتىندىسى بويىنشا سپورت شەبەرلەرى 97 334 تەڭگە السا, قازىر 250 اەك-كە نەمەسە 694 500 تەڭگەگە دەيىن ءوستى.
الەم چەمپيوناتىنىڭ قورىتىندىسى بويىنشا وليمپيادالىق سپورت تۇرلەرىنەن سپورت شەبەرلەرى 93 794 تەڭگە السا, قازىر ولاردىڭ تولەمدەرى 100 اەك-كە دەيىن, ياعني 277 800 تەڭگەگە دەيىن ارتادى .
ازيا چەمپيوناتىنىڭ قورىتىندىسى بويىنشا وليمپيادالىق سپورت تۇرلەرىنەن سپورت شەبەرلەرى بۇعان دەيىن 83 176 تەڭگە العان. جاڭا قاۋلى بويىنشا ولاردىڭ تولەمدەرى 80 اەك-كە دەيىن, ياعني 222 240 تەڭگەگە دەيىن ءوستى.
قر چەمپيوناتىنىڭ قورىتىندىسى بويىنشا وليمپيادالىق سپورت تۇرلەرىنەن سپورت شەبەرلەرى 79 637 تەڭگە السا, جاڭا قاۋلى بويىنشا ولاردىڭ تولەمدەرى 60 اەك-كە, ياعني 166 680 تەڭگەگە دەيىن ءوستى.
"ەلوردا سپورتى تاريحىنداعى ەڭ قۋانتارلىق جاڭالىقتىڭ ءبىرى دەسەك ارتىق ايتقانىمىز ەمەس. بۇل قالا سپورتشىلارىنا ءبىر سەرپىن بەرەرى ءسوزسىز", دەدى بوكستان وليمپيادا ويىندارىنىڭ كۇمىس جۇلدەگەرى ۆاسيلي لەۆيت.
"شىنىمەن قۋانىشتىمىز. ءبىز سەكىلدى سپورتتا ەندى ءوسىپ كەلە جاتقان جاس بۋىن ءۇشىن ۇلكەن موتۆياتسيا بولماق. سپورتشىلار اتىنان قالا اكىمدىگىنە, باسقارماعا شىنايى ۇلكەن العىسىمىزدى بىلدىرەمىز", دەدى بوكستان جاستار اراسىندا وليمپيادا ويىندارىنىڭ جەڭىمپازى ايبەك ورالباي.
ايتا كەتسەك, بۇعان دەيىن نۇر-سۇلتان قالاسىنىڭ قۇراما كومانداسىنا كىرەتىن تەك 84 سپورتشى اي سايىنعى تولەم الىپ كەلسە, ەندى ولاردىڭ سانى 176-عا جەتتى.
ەستەرىڭىزگە سالا كەتەيىك, بيىل قيك-پەن بىرگە الەۋمەتتىك باسپانا الۋشىلار ساناتى كەڭەيتىلدى, وعان سپورت قايراتكەرلەرى دە كىردى. 1 مىڭ الەۋمەتتىك پاتەرگە دارىگەرلەر مەن مۇعالىمدەردەن باسقا الەۋمەتتىك قىزمەتكەرلەر, پوليتسەيلەر, مادەنيەت قايراتكەرلەرى دە ۇمىتكەر بولا الادى.
