29 قىركۇيەك، 2020

ءبىلىم جانە عىلىم ءمينيسترى ۇلتتىق كەڭەستىڭ ۇسىنىستارىن نازارعا الىپ، جۇمىس ىستەۋدە

13 رەت كورسەتىلدى

مينيستر ا. ايماعامبەتوۆ اعىمداعى جىلدىڭ مامىر ايىندا ۇلتتىق قوعامدىق سەنىم كەڭەسىنىڭ قويعان مىندەتتەرى تۋرالى ەگجەي-تەگجەيلى Facebook الەۋمەتتىك جەلىسىندەگى پاراقشاسىندا جازبا جاريالادى.

اعىمداعى جىلدىڭ 27 مامىرىندا قر پرەزيدەنتىنىڭ قاتىسۋىمەن ءبىلىم بەرۋ جانە دەنساۋلىق ساقتاۋ ماسەلەلەرىنە ارنالعان ۇلتتىق قوعامدىق سەنىم كەڭەسىنىڭ ءۇشىنشى وتىرىسى وتكەن بولاتىن.

وتىرىستا پرەزيدەنت كەڭەس مۇشەلەرىنىڭ نازارىن ءبىلىم بەرۋ سالاسىنا بايلانىستى مىندەتتەرگە اۋدارىپ، ءبىلىم بەرۋ سالاسىن قارجىلاندىرۋ كولەمىنىڭ جەتكىلىكسىزدىگىن اتاپ وتكەن. بۇنىڭ ناتيجەسىندە ەلىمىزدەگى ءبىلىم بەرۋ ساپاسى مەن مەكتەپ ينفراقۇرىلىمى دامىعان ەلدەردەن ايتارلىقتاي ارتتا قالۋعا الىپ كەلگەن.

«وقۋشىلاردىڭ ءبىلىم دەڭگەيىن حالىقارالىق باعالاۋ ناتيجەلەرى قازاقستاننىڭ دامىعان ەلدەردەن ەداۋىر ارتتا قالعانىن كووسەتىپ وتىر. مۇنىڭ سەبەپتەرى كوپ، باستىسى — ءبىلىم بەرۋگە بولىنەتىن قاراجاتتىڭ جەتكىلىكسىزدىگى جانە وسى سالاداعى رەفورمالاردىڭ جۇيەسىزدىگى مەن دۇرىس ويلاستىرىلماعان» - دەدى پرەزيدەنت وتىرىستا. ول پەداگوگيكالىق ماماندىقتارعا ءتۇسۋ ءۇشىن تالاپتاردى ارتتىرۋ قاجەت ەكەنىن جانە ونىڭ تارتىمدىلىعىن ارتتىرۋ ءۇشىن ستيپەنديانى 26 000 تەڭگەدەن 42 000 تەڭگەگە دەيىن ارتتىرۋ قاجەت ەكەنىن اتاپ ءوتتى.

بۇگىن ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا ۇلتتىق قوعامدىق سەنىم كەڭەسى مۇشەلەرىنىڭ مامىرداعى جيىندا جاساعان ۇسىنىستارى قالاي جۇزەگە اسىرىلىپ جاتقانى تۋرالى باياندادى:

«اعىمداعى جىلدىڭ مامىر ايىنىڭ سوڭىندا ۇلتتىق قوعامدىق سەنىم كەڭەسىنىڭ كەزەكتى وتىرىسى ءوتتى، وندا باستى تاقىرىپ ءبىلىم مەن عىلىمدى دامىتۋ بولدى.

ۇكسق وتىرىسىنىڭ قورىتىندىسى بويىنشا مەملەكەت باسشىسى ءبىلىم جانە عىلىم جۇيەسىن ىلگەرىلەتۋگە باعىتتالعان ماڭىزدى تاپسىرمالار بەردى.

وسىنداي تاپسىرمالاردىڭ ءبىرى پەداگوگيكالىق ماماندىقتارعا تۇسەتىن تالاپكەرلەرگە سىناق ساپاسىن ارتتىرۋ جانە ءبىر مەزگىلدە ستيپەنديا مولشەرىن 42 مىڭ تەڭگەگە دەيىن ءوسىرۋ بولدى.

وتكەن جىلى ستيپەنديا مولشەرى 21 مىڭ تەڭگەنى قۇراسا، سودان كەيىن جەلتوقسان ايىندا، پرەزيدەنتتىڭ تاپسىرماسىنان كەيىن 26 مىڭعا دەيىن ءوستى، ەندى 1 قىركۇيەكتەن باستاپ بولاشاق وقىتۋشىلار 42 مىڭ تەڭگە مولشەرىندە ەڭ جوعارى ستيپەنديا الاتىن بولادى. كەشەدەن باستاپ ستۋدەنتتەر جوعارى ستيپەنديا الا باستادى.

سونداي-اق، وسى جىلدىڭ ماۋسىم ايىندا پەداگوگيكالىق ماماندىقتارعا ءتۇسۋ ءۇشىن شەكتى بالل بىردەن 70-كە كوتەرىلدى.

وسى شارالاردىڭ جانە «پەداگوگ مارتەبەسى تۋرالى» زاڭنىڭ قابىلدانۋىنىڭ ارقاسىندا بيىلدىڭ وزىندە پەداگوگيكانى تاڭداعان «التىن بەلگى» يەگەرلەرىنىڭ سانى 1،7 ەسەگە ارتتى. ال كوپتەگەن باعىتتار بويىنشا ورتاشا بالل 100-دەن جوعارى بولدى. بىرنەشە جىل بۇرىن پەداگوگيكاعا تۇسۋشىلەردىڭ ورتاشا بالى شامامەن 65-ءتى قۇراعان. دەمەك، ەندى بۇل سالاعا جوعارى بالدارى بار ءبىلىمى مىقتى تۇلەكتەر تۇسە باستادى.

ۇقسك تاپسىرمالارى اياسىندا قىركۇيەك ايىنان باستاپ دوكتورانتتاردىڭ ستيپەندياسى 102 مىڭنان 150 مىڭ تەڭگەگە دەيىن ۇلعايدى. مۇنداي شارا جاس عالىمدارعا جاقسى قولداۋ بولادى دەگەن سەنىمدەمىن. ويتكەنى دوكتورانتتاردىڭ كوبىسىنىڭ وتباسىلارى بار جانە بۇل ولاردىڭ زەرتتەۋلەرىن جۇرگىزۋمەن اينالىسۋىنا مۇمكىندىك بەرەدى.

بۇدان باسقا، 2020 جىلعى قىركۇيەكتەن باستاپ مەملەكەتتىك گرانتتىڭ قۇنى ەسەلەپ ءوستى، بۇل جوعارى وقۋ ورىندارى وقىتۋشىلارىنىڭ جالاقىسىن وسىرۋگە جانە متب-نى نىعايتۋعا مۇمكىندىك بەرەدى.

ۇقسك قورىتىندىسى بويىنشا بەرىلگەن پرەزيدەنتتىڭ بارلىق تاپسىرمالارى ەرەكشە باقىلاۋدا جانە بەلگىلەنگەن مەرزىمدە ورىندالاتىن بولادى»، - دەپ جازعان ا.ايماعامبەتوۆ.

 

ء«ۇشىنشى وتىرىس اياسىندا مينيسترلىك الدىندا ۇقسك مۇشەلەرى دايىنداعان مىندەتتەر ايتىلدى. ەلىمىزدەگى كارانتين مەن ەنگىزىلگەن توتەنشە جاعدايعا قاراماستان، ۇلتتىق كەڭەستىڭ ءبىلىم مينيسترلىگىنە قويعان بارلىق مىندەتتەرى تولىق كولەمدە جۇزەگە اسىرىلۋدا. العا قويىلعان مىندەتتەر بويىنشا بارلىق ۆەدومستۆولاردان وسىنداي بەلسەندى جانە جەدەل كەرى بايلانىستى كۇتەمىز» - دەيدى پرەزيدەنتتىڭ كومەكشىسى، ۇلتتىڭ كەڭەستىڭ حاتشىسى ەرلان قارين.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار