ايماقتار • 28 قىركۇيەك، 2020

"سىبايلاس جەمقورلىقتان اۋلاقپىز!" اكتسياسى باستالدى

18 رەت كورسەتىلدى

"ادالدىق الاڭى" جوبالىق كەڭسەسىنىڭ "سىبايلاس جەمقورلىقتان اۋلاقپىز!" اتتى اكتسيا باستالعانى تۋرالى "قىزىلجار – ادالدىق الاڭىنىڭ" باسشىسى ءسالىمحان ءسابيتوۆ مالىمدەدى. بۇل ءىس رەسپۋبليكالىق كەڭسەدەن باستالعان ەكەن. ءىس - شارانىڭ نەگىزگى ماقساتى - مەملەكەتتىك ورگاندار مەن كۆازيمەملەكەتتىك مەكەمەلەردىڭ باسشىلارىن پاراساتتىلىق جانە ادالدىق قاعيداتتارىن ۇستانۋعا شاقىرۋ، دەپ حابارلايدى Egemen.kz

اكتسيا كەزىندە ءاربىر اكىم، باسشى ءوزىنىڭ اشىقتىعى مەن جەكە جاۋاپكەرشىلىگىن كورسەتە وتىرىپ، ۇجىمداعى سىبايلاس جەمقورلىق فاكتىلەرىنە جول بەرمەۋ جونىندەگى شارالارىن باق-تا كەڭىنەن جاريا ەتۋى ءتيىس.

مەملەكەت باسشىسى ايتقانداي، سىبايلاس جەمقورلىققا قارسى ءىس-قيمىل بويىنشا جۇمىس جۇرگىزبەيتىن باسشىلار انىقتالادى. اكتسيا 9 جەلتوقسانعا دەيىن جالعاسادى جانە حالىقارالىق سىبايلاس جەمقورلىققا قارسى كۇرەس كۇنىنە وراي قورىتىندىلانىپ، ەڭ ادال باسشىلار اتاپ وتىلەدى.

رەسپۋبليكالىق جوبالىق كەڭسەنىڭ باسشىسى اكتسيا اياسىندا، بىرىنشىدەن، وبلىستار مەن رەسپۋبليكالىق ماڭىزى بار قالالاردىڭ اكىمدەرى، ورتالىق مەملەكەتتىك ورگانداردىڭ باسشىلارى ءوز قىزمەتىنىڭ اشىقتىعىن كورسەتە وتىرىپ، جالاقىلارى تۋرالى اقپاراتتى جاريالايدى جانە جوبالىق كەڭسەگە وزدەرىنىڭ مەملەكەتتىك ورگاندارىندا سىبايلاس جەمقورلىق فاكتىلەرىنىڭ الدىن الۋ شارالارى تۋرالى اقپاراتتى جانە ءوز ۇسىنىستارىن جىبەرەدى دەپ حابارلادى.

"وسىنى باسشىلىققا الىپ، بارلىق وڭىرلەردە مۇنداي جۇمىستى وبلىس اكىمدەرىنىڭ ورىنباسارلارى مەن مەملەكەتتىك ورگانداردىڭ باسشىلارى جۇرگىزۋگە ءتيىس. ەكىنشىدەن، جەرگىلىكتى باق تۇرعىنداردىڭ اكىمدىك قىزمەتىنە قاتىستى ساۋالناماسى بويىنشا قولداۋ كورسەتىپ، تەلەارنالاردا سيۋجەتتەر كورسەتكەنىن قالايمىز"، دەدى س.ءسابيتوۆ.

سولتۇستىك قازاقستان وبلىسى

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار