قوعام • 28 قىركۇيەك، 2020

"قازاقستان حالقى اسسامبلەياسىنا 25 جىل" مەرەكەلىك مەدالدارى تابىستالدى

20 رەت كورسەتىلدى

دوستىق ۇيىندە "قازاقستان حالقى اسسامبلەياسىنا 25 جىل" مەرەكەلىك مەدالدارىن تاپسىرۋ ءراسىمى ءوتتى، دەپ حابارلايدى Egemen.kz.

سالتاناتتى شاراعا قحا قىزمەتىنە زور ۇلەس قوسقان قازاقستان حالقى اسسامبلەياسىنىڭ وكىلدەرى قاتىستى. نۇر-سۇلتان قالالىق ىشكى ساياسات باسقارماسىنىڭ باسشىسى تالعات راحمانبەردى مەدالداردى تابىس ەتتى. ماراپاتقا يە بولعاندار اراسىندا مادەنيەت ورتالىقتارىنىڭ باسشىلارى، فوتوتىلشىلەر دە بار.

قحا مەرەيتويى پاندەميانىڭ تارالۋىمەن تۇسپا-تۇس كەلىپ، جالپى جۇمىس بارىسىنا ايتارلىقتاي اسەر ەتكەن.

"ەلوردالىق قحا جەدەل تۇردە قايتا قۇرىلىپ، جۇمىس جوسپارىنا تۇزەتۋلەر ەنگىزىلدى. توتەنشە جاعدايدا جۇمىستىڭ جاڭا تۇرلەرى اتقارىلدى. كارانتينگە قاراماستان، ەلوردالىق اسسامبلەيا 73 ءىس – شارا وتكىزدى، ونىڭ 60-ى ونلاين رەجيمدە ءوتتى. اسسامبلەيا مۇشەلەرى سەنبىلىكتەر مەن مەرەيتويلىق ءىس-شارالاردا، ء"بىز بىرگەمىز!"، ەرىكتىلەر قوزعالىسىندا بەلسەندىلىك تانىتتى. ەرىكتىلەر جىلىندا قارتتارعا، جالعىز باستى ادامدارعا جانە از قامتىلعان وتباسىلارعا ازىق-ت ۇلىك، ءدارى-دارمەك، بەتپەردە جەتكىزۋگە كومەك كورسەتىلدى; مەديتسينالىق قىزمەتكەرلەرگە ىستىق تاماق بەرىلەدى"،-دەدى نۇر-سۇلتان قالالىق ىشكى ساياسات باسقارماسىنىڭ باسشىسى تالعات راحمانبەردى.

قالالىق اسسامبلەيا جۇمىسىنىڭ باستى باعىتتارىنىڭ ءبىرى - قايىرىمدىلىقتى دامىتۋ.

"مۇقتاج جاندارعا تەك ەلوردادا عانا ەمەس، ودان تىس جەرلەردە دە كومەك كورسەتىلدى. سونىڭ ىشىندە ارىس، قورداي جانە ماقتاارال جانە ت.ب. اۋداندارىندا يگى ىستەر جاسالدى. تەك ءبىرىنشى جارتىجىلدىقتا ەلوردالىق اسسامبلەيا جالپى سوماسى 36 313 مىڭ تەڭگەگە 70 اكتسيا ۇيىمداستىردى"، – دەپ اتاپ ءوتتى ۇيىمداستىرۋشىلار.

دوستىق ۇيىندە ANKLive تىكەلەي ەفير ستۋدياسى جۇمىس ىستەيدى. 2020 جىلدىڭ بارلىق مەرەكەلىك كۇندەرگە ارنالعان تىكەلەي ەفيرلەر، مەملەكەت جانە قوعام قايراتكەرلەرىنىڭ قاتىسۋىمەن كەزدەسۋلەر وتكىزىلدى.

ءارتۇرلى ادامداردىڭ تاعدىرى تۋرالى بەينەروليكتەر توپتاماسى #مىپومنيمانك چەللەندجى ۇلكەن قوعامدىق رەزونانس تۋدىردى. قازاقستان حالقى اسسامبلەياسىنىڭ ارداگەرلەرى تۋرالى "اسسامبلەيا. تۇلعا. تاعدىر" جوباسى جۇزەگە استى. دوستىق ۇيىندە جەتىستىككە جەتكەن كوپ بالالى ايەلدەرگە، قوعام بەلسەندىلەرىنە ارنالعان "انا" فوتوكورمەسى اشىلدى. قالالىق اسسامبلەيا قۇرامىندا ازاماتتىق قوعامنىڭ تۇراقتىلىعىنا ىقپال ەتەتىن 18 مەدياتور بار.

ايتا كەتەيىك، ءىس-شارا بارلىق سانيتاريا نورمالارىن ساقتاي وتىرىپ ءوتتى. سونداي-اق، تالعات راحمانبەردى قاتىسۋشىلاردى بارلىق تالاپتاردى ساقتاۋعا شاقىردى.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار