تاياۋدا عانا «تۋر دە فرانس» كوپكۇندىگىندە ءوزىن جاقسى قىرىنان كورسەتىپ, كوپشىلىكتىڭ كوزايىمىنا اينالعان ءبىزدىڭ كوماندانىڭ سەركەسى الەكسەي لۋتسەنكونىڭ COVID-19-عا تاپسىرعان سىناماسى وڭ ناتيجە بەرگەننەن سوڭ ول بىردەن بايراقتى باسەكەدەن شەتتەتىلدى.
ال دميتري گرۋزدەۆ, دانيل فومينىح, ۆاديم پرونسكي جانە يۋري ناتاروۆ سىندى ۆەلوشاباندوزدار سەنىم ۇدەسىنەن شىعا المادى.
اپەننين تۇبەگىندەگى جارىستىڭ قورىتىندىسى بويىنشا ەرلەر اراسىنداعى جەكەلەگەن سايىستا يتاليالىق فيليپپو گاننا وزسا, توپتىق باسەكەدە فرانتسيالىق جيۋليان ءالافيليپپتىڭ اسىعى الشىسىنان ءتۇستى. ايەلدەر دوداسىنداعى باس جۇلدەنىڭ ەكەۋى دە نيدەرلاندتىڭ ارۋى اننا ۆان دەر برەگگەنگە بۇيىردى.
