ەكولوگيا • 28 قىركۇيەك، 2020

اتىراۋدا جايىق وزەنىنىڭ جاعاسىنان 10 توننا قوقىس جينالدى

22 رەت كورسەتىلدى

تابيعات جاناشىرلارى مەن قوعام بەلسەندىلەرى اپتا سايىن جايىق وزەنىنىڭ جاعاسىن قوقىس تازارتىپ كەلەدى. وتكەن سەنبىدە ولاردىڭ قاتارىنا  "كاسپي قۇبىر كونسوتسيۋمى-قازاقستان" مەن "قازترانسويل" كومپانيالارىنىڭ مۇناي تاسىمالداۋشىلارى قوسىلىپ، وزەن جاعاسىنان 10 توننا قوقىس جينادى، دەپ حابارلايدى Egemen.kz

"اتىراۋ – ءبىزدىڭ قالامىز. سول سەبەپتەن، قالامىزدىڭ تازالىعىنا ءوز ۇلەسىمىزدى قوسۋ ءۇشىن "تازا قالا ءۇشىن" اكتسياسىنا قولداۋ ءبىلدىرىپ، جايىق وزەنىنىڭ  جاعالاۋىن قوقىس پەن پلاستيك قۇتىلاردان تازارتتىق" دەيدى "كاسپي قۇبىر كونسوتسيۋمى-قازاقستان" كومپانياسىنىڭ وڭىرلىك مەنەدجەرى مۇحيت ماجەنوۆ.

ال جەلىلىك بولىككە تەحنيكالىق قىزمەت كورسەتۋ جونىندەگى مەنەدجەر التاي باتىرعاليدىڭ ايتۋىنشا، جاعالاۋدى تازالاۋعا ەكى كومپانيانىڭ وكىلدەرى وتباسىلارىمەن بىرگە كەلگەن. ولار جينالعان قوقىستان پلاستيك پەن شىنىنى، قاعازدى بولەك جينادى.

"قورشاعان ورتاعا جاناشىرلىق تانىتۋعا ۇجىمدىق قولداۋ كورسەتۋ – كورپوراتيۆتىك رۋح، ال، تابيعاتتى قورعاۋ – ۇرپاعىمىزعا، بالالارىمىزعا ۇلگى. مۇنداي اكتسياعا بىرنەشە رەت قاتىسىپ، بالالارىمدى ءوزىمىز تۇراتىن اۋماقتى تازالاۋعا ۇيرەتىپ كەلەمىن"، دەيدى جەلىلىك بولىككە تەحنيكالىق قىزمەت كورسەتۋ جونىندەگى مەنەدجەر التاي باتىرعالي.

مۇناي-گاز قۇبىرىن پايدالانۋ جونىندەگى مەنەدجەر ەۆگەني كۋستادينچەۆ جارتى  ساعاتتا  ءۇش قاپتى تۇرمىستىق قالدىقتارمەن تولتىرىپتى.

"شىنى مەن پلاستيك ەشقاشان ىدىرامايتىنىن ۇعىنۋىمىز كەرەك. بۇل قوقىس سۋعا ءتۇسىپ كەتسە، ونىڭ سوڭى نە بولارىن ەلەستەتۋدىڭ ءوزى قورقىنىشتى. ومىرلىك ءنارىمىزدىڭ – اۋىز سۋ. ءبىز ونى جايىق وزەنىنەن الىپ وتىرمىز. سول سەبەپتەن، وزەننىڭ تازالىعىنا ۇقىپتى قاراپ،  ونى لاستانۋدان قورعاۋ –باستى پارىزىمىز"، دەيدى ول.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار