قوعام • 24 قىركۇيەك، 2020

شاعىن جانە ورتا بيزنەستى سالىق تولەۋدەن بوساتۋ اۋىلدىق بيۋدجەتتەرگە تۇسىمدەردى قىسقارتتى

16 رەت كورسەتىلدى

سەناتور ولگا پەرەپەچينا پرەمەر-ءمينيستردىڭ اتىنا جولداعان دەپۋتاتتىق ساۋالىندا سۋبۆەنتسيالار مەن جوعارى تۇرعان بيۋدجەتتەردەن بەرىلەتىن نىسانالى ترانسفەرتتەر اۋىل اكىمدىكتەرىنىڭ شىعىستارىن قارجىلاندىرۋدىڭ نەگىزگى كوزى بولىپ قالاتىنىن اتاپ ءوتتى، دەپ حابارلايدى Egemen.kz.

دەپۋتات قازاقستانداعى اۋىل تۇرعىندارى وزدەرىنىڭ ماڭىزدى ماسەلەلەرىن 4-ءشى دەڭگەيدەگى بيۋدجەت قارجىسى ەسەبىنەن شەشۋگە مۇمكىندىگى بار ەكەنىن اتاپ ءوتتى. بۇل سۋمەن جابدىقتاۋعا، جولداردى جوندەۋگە جانە كۇتىپ ۇستاۋعا، سونداي-اق باسقا دا ماسەلەلەرگە قاتىستى. دەگەنمەن، ءىس جۇزىندە بۇل سالالار اۋداندىق بيۋدجەتتەن قارجىلاندىرىلادى، كەيدە مۇلدە  قارجىلاندىرىلمايدى جانە جەرگىلىكتى جۇرتشىلىق بۇل شەشىمدەردىڭ قابىلدانۋىنا ىقپالى جوق. بيۋدجەتتەگى تەپە-تەڭسىزدىكتىڭ نەگىزگى سەبەبى حالىق سانى 2 مىڭنان كەم اۋىلدىق بيۋدجەتتەردىڭ شىعىستارىن ءوز كىرىستەرىمەن قامتاماسىز ەتۋدىڭ تومەندىگىندە بولىپ وتىر. ال ءبىزدىڭ ەلىمىزدە ولاردىڭ سانى 1301 نەمەسە جۇمىس ىستەپ تۇرعان بارلىق وكرۋگتەردىڭ  56%-ى بولىپ تابىلادى.

«2023 جىلعا دەيىن سالىقتىڭ كەيبىر تۇرلەرىن تولەۋدەن بوساتۋ اۋىلدىق وكرۋگتەر كىرىستەرىنىڭ تومەندەۋىنە اسەر ەتەدى، مۇنىڭ ءبارى جالپى بيۋدجەتكە قاتىستى مەنشىكتى كىرىستەر ۇلەسىنىڭ ازايۋىنا ىقپال ەتەدى. ودان باسقا، اۋىلدىق وكرۋگتەردىڭ سالىق سالۋ بازاسىنىڭ ۇلعايۋىن تەجەۋشى فاكتور جىلجىمايتىن م ۇلىكتى، جەردى جانە اۆتوكولىكتى ەسەپكە الۋدىڭ اقپاراتتىق جۇيەلەرىنىڭ جەتىلمەگەندىگى بولىپ تابىلادى - بۇل ەسكىرگەن جانە سەنىمسىز دەرەكتەر بازاسى»، - دەپ مالىمدەدى دەپۋتات ولگا پەرەپەچينا.

مەملەكەت باسشىسى 2020 جىلعى 1 قىركۇيەكتەگى جولداۋىندا «مەملەكەتتىك ورگاندارعا بيۋدجەتتىك دەربەستىك بەرگەن ءجون. بۇل مىندەتتەردى شۇعىل شەشۋگە جانە ۇجىمدىق جاۋاپ­سىز­دىق پەن اۋرە-سارساڭنان قۇتىلۋعا مۇم­كىندىك بەرەدى» دەگەن بولاتىن.

سەناتور سونداي-اق بۇگىندە ۇلتتىق ەكونوميكا جانە قارجى مينيسترلىكتەرى جەرگىلىكتى اتقارۋشى ورگانداردىڭ رەسپۋبليكالىق بيۋدجەتتەن بەرىلەتىن بيۋدجەتتىك سۋبۆەنتسيالاردى جانە رەسپۋبليكالىق بيۋدجەتتەن سۋبۆەنتسيالار ەسەبىنەن قارجىلاندىرىلاتىن شىعىستاردى پايدالانۋىنا باقىلاۋدى ەنگىزۋ ماسەلەلەرىن پىسىقتاپ جاتقانىن حابارلادى.

«بيۋدجەت كودەكسىنىڭ ەرەجەلەرى ۇكىمەتتىڭ جانە وزگە دە ورتالىق مەملەكەتتىك ورگانداردىڭ وبلىستاردىڭ دەربەس بيۋدجەت پروتسەسىنە ارالاسۋىنا جول بەرمەيدى. مەملەكەتتىك ورگاندار ۇسىنعان ەرەجە قابىلدانعان جاعدايدا جەرگىلىكتى ءوزىن-ءوزى باسقارۋ بيۋدجەتىنىڭ دەربەستىك قاعيداتى بۇزىلادى، جەدەلدىك ازايادى جانە بيۋدجەتتىڭ بارلىق دەڭگەيلەرىندە – وبلىستىق، اۋداندىق، قالالىق جانە اۋىلدىق دەڭگەيدە قۇجات اينالىمىنىڭ كولەمى ءىس جۇزىندە ون ەسە ارتادى»، - دەدى ولگا پەرەپەچينا.

سونىمەن قاتار، سەناتوردىڭ ايتۋىنشا، قازىناشىلىق-كليەنت اقپاراتتىق جۇيەسى قۇجاتتاردىڭ اۋقىمدى كولەمىنە بايلانىستى شتاتتىق رەجيمدە جۇمىس ىستەۋگە دايىن بولمادى جانە 8 ايدىڭ قورىتىندىسى بويىنشا قارجىنىڭ 50%-دان استامىن جەرگىلىكتى بيۋدجەتتەر يگەرە المادى.

دەپۋتات ءوزىنىڭ ءسوزىن قورىتىندىلاي كەلىپ، ءبىر قىزمەتكەر بىرنەشە فۋنكتسيانى قاتار ورىندايتىن اۋىلدىق وكرۋگتەردەگى اپپاراتتاردى 25%-عا وڭتايلاندىرۋ ولاردىڭ جۇمىس ساپاسىنا تەرىس اسەر ەتەتىنىن اتاپ ءوتتى.

سوڭعى جاڭالىقتار

ۇقساس جاڭالىقتار