ايماقتار • 24 قىركۇيەك، 2020

الماتىدا ەسىرتكى دايىندايتىن ءىرى زەرتحانا جابىلدى

23 رەت كورسەتىلدى

الماتىدا سينتەتيكالىق ەسىرتكى وندىرۋگە ارنالعان شيكىزاتتىڭ ۇلكەن كولەمى تاركىلەندى، دەپ حابارلايدى Egemen.kz Polisia.kz سايتىنا سىلتەمە جاساپ.

ارنايى ءىس-شارا كەزىندە پوليتسەيلەر ەسىرتكى زەرتحاناسىن جويدى.ءتىنتۋ كەزىندە 80 ليترلىك ءتورت بوشكە، 100 گر "مەفەدرون" تاركىلەندى.

"بەلگىلى بولعانداي، ەسىرتكىنى 1976 جىلى تۋعان ك. ەسىمدى ازاماتتىڭ قۇرعان توبى دايىنداپ كەلگەن. ءبىز قولدانىستاعى ەسىرتكى زەرتحاناسىن جانە قويما بازاسىن جويدىق. زاڭسىز اينالىمنان جابدىقتار مەن وسىعان ۇقساس بەس جاڭا زەرتحانا اشۋعا ارنالعان ماتەريالدار الىندى. ءتىنتۋ جۇرگىزگەندە ىشىندە قويۋ ءتۇستى، بەلگىلى ءبىر ءيىسى بار 20 ليترلىك ءتورت تەمىر كانيستر، ەكى پوليەتيلەن وراما، ماگنيت ارالاستىرعىش تاركىلەندى"، دەيدى الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

سوت-حيميا ساراپتاماسىنىڭ قورىتىندىسىنا سايكەس، زەرتتەۋگە ۇسىنىلعان اق ۇنتاق زاتتىڭ "مەفەدرون" ەكەنى انىقتالدى. 

سوڭعى جاڭالىقتار

ۇقساس جاڭالىقتار