قوعام • 23 قىركۇيەك، 2020

جاستاردىڭ جۇرەك قالاۋى

13 رەت كورسەتىلدى

ەل پرەزيدەنتى قاسىم-جومارت توقاەۆتىڭ 2019 جىلعى 26 تامىزداعى «ەرىكتىلەر جىلىن جاريالاۋ تۋرالى» جارلىعىنان كەيىن وبلىستا ايتا قالارلىقتاي ءىس قولعا الىنۋدا. اسىرەسە جاستاردىڭ بويىندا جاناشىرلىق سەزىمىنىڭ مول ەكەندىگى قۋانتادى.

سۋرەتتى تۇسىرگەن ەرلان ومار، «EQ»

ۆولونتەرلەردى قولداۋ ورتالىعى وبلىستىڭ جاستار رەسۋرستىق ورتالىعىنىڭ جانىندا جۇمىس ىستەۋدە. بۇگىندە وبلىستا 84 ورتالىق ىزگى نۇرىن سەۋىپ، قامقورلىق قاناتىن كەڭ جايىپ كەلەدى. Nur Otan پارتيا­سى اقمولا فيليالى جانىنان اشىلعان ۆولونتەرلىك شەبەرلىك مەكتەبى دە يگى ىسكە زور ىقپالىن تيگىزۋدە.

اسىرەسە جامان تۇماۋ جايلاعان كەزدە جالپاق جۇرت جالىندى جاستاردىڭ ىزگىلىك تۇنعان ىزەتتى ءىس-قيمىلىنان كوپ دەمەۋ كوردى. ءوز باستارىن قاتەرگە تىگىپ جۇرسە دە، حالقىنىڭ قامىن ويلاعان جاستار جالعىزىلىكتى ادامدارعا ءدارى-دارمەگىن، ازىق-ت ۇلىگىن جەتكىزىپ بەرىپ، العىسقا بولەندى. العاشقى جارتىجىلدىقتا وبلىس بويىنشا 1250-دەن استام جاقسى ىستەرگە ۇيىتقى بولاتىن شارالار وتكىزىلدى. ونىڭ ىشىندە ونلاين كەڭەس بەرۋ، ونلاين كونكۋرستار، ء«بىز بىرگەمىز!» اكتسيالارى جانە تالاي جاستىڭ كوكىرەگىندە ەلجاندىلىق پەن ۇلتجاندىلىق سەزىمدەرىن وياتاتىن «پاتريوتيزم ساعاتى» جوباسى بار.

«كۇمىس ۆولونتەرلىكتى» دامىتۋ اياسىندا ء«بىز بىرگەمىز!» قوعامدىق قورى كارانتين كەزىندە دە بەلسەندى جۇمىس ىستەدى. قور ەرىكتىلەرىنىڭ تىزە قوسۋىمەن «ايالاۋ» مۇمكىندىگى شەكتەۋلى بالالارعا ارنالعان ورتالىقتىڭ كىرە بەرىسى مەن تامبۋرىنا كۇر­دەلى جوندەۋ جۇمىستارى جۇر­گى­زىلدى. وبلىستىق ادىلەت دەپار­تا­مەنتى حالىقتىڭ قۇقىقتىق ساۋات­تىلىعىن ارتتىرۋ جانە ازاماتتارعا قۇقىقتىق ماسەلەلەر توڭىرەگىندە كەڭەس بەرۋ بارىسىندا ستۋدەنت ۆولونتەرلەردى تارتۋ ارقىلى ارنايى ءىس-جوسپارلارىن جاساپ، كەستەسى بەكىتىلىپ، قىرۋار جۇمىس اتقارىلدى. وسى كەزەڭدە جوعارىدا ايتىلعان تاقىرىپتارعا وراي كەڭەستەر ۇزبەي وتكىزىلدى. ساياجايلاردا تۇراتىن حالىق­تىڭ الەۋمەتتىك جاعىنان از قامتاماسىز ەتىلگەن توپتارىنا كونسۋلتاتسيالىق كومەك كورسەتىلدى. ناقتىراق ايتساق،  ستۋدەنتتەردىڭ ءوزى 113 قۇقىقتىق كەڭەس بەرگەن ەكەن. وبلىستىق ەكولوگيا دەپارتامەنتى وڭىرلىك ەكولوگيالىق سلەت وتكىزدى. بۇل شاراعا 100-دەن استام ەرىكتى قاتىستى. ەسەپتى كەزەڭ ىشىندە ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ اقمولا وبلىستىق ورمان شارۋاشىلىعى جانە جانۋارلار دۇنيەسى اۋماق­تىق ينسپەكتسياسى 50-دەن استام ەرىكتىنى جۇمىلدىرا وتىرىپ، اڭشىلىق شارۋاشىلىعى اۋماعىندا جابايى جانۋارلاردى ازىقتاندىرۋ ءىس-شارالارىن ۇيىمداستىردى.

KustoGroup حالىقارالىق كومپانياسى قاشىقتان وقىتۋ كەزىندە اۋىلدىق جەرلەردە تۇراتىن الەۋمەتتىك جاعىنان از قامتىلعان جانە كوپبالالى وتباسىلاردىڭ وقۋشىلارىنا ونداعان نوۋتبۋك الىپ بەردى. تىلدىك ونلاين-كۋرستار، ۇبت-عا ونلاين دايىندىق ىسكە قوسىلدى. وسى ورايدا 46 ساباق وتكىزىلدى. سونداي-اق كارانتين كەزىندە جاناشىرلىق تانىتقان كومپانيا ۆولونتەرلىك ۇيىمدارمەن بىرلەسە وتىرىپ، ءبىر جيىنتىعى 14 مىڭ تەڭگە شاماسىندا بولاتىن ازىق-ت ۇلىك پاكەتتەرىن جەتكىزۋدى قولعا الدى. مۇنداي كومەك وبلىس ورتالىعىنداعى 500-دەن استام وتباسىعا جاسالدى. ازىق-ت ۇلىك پاكەتتەرىن جەتكىزۋگە اۆتوۆولونتەرلەر دە جۇمىلدى.

اتباسار قالاسىندا حالىقتىڭ الەۋمەتتىك جاعىنان از قامتىلعان توپتارىنا كومەك كورسەتۋ ماقسا­تىن­دا اۋىل شارۋاشىلىعى تاۋار وندىرۋشىلەرىنىڭ باستاماسىمەن «قامقور» اشىق ارنايى قورى قۇرىلدى. بانكتە ەسەپشوت اشىلىپ، اۋدان ازاماتتارى اقشاداي قاراجات جينادى. قور بۇل اقشاعا ازىق-ت ۇلىك سەبەتتەرىن ساتىپ الدى. ۇزىن-ىرعاسى 20 ملن تەڭگەدەن استام قاراجات كولەمىندە كومەك كورسەتىلدى. جوعارى كوپسالالى ازاماتتىق قورعاۋ كوللەدجىنىڭ ەرىكتى ءبىلىم الۋشىلارى «بالا­لار­عا تەاتر» جوباسىن ىسكە قوسىپ، رۋحاني ازىق نارىمەن سۋسىن­­داتۋدى قولعا الدى. 35-تەن استام قىزعىلىقتى قويىلىم ۇيىم­داس­تى­رىلدى.

اقمولا اۋرۋحانالارىنا ونداعان وكپەنى جاساندى جەلدەتۋ اپپاراتتارى جەتكىزىلدى. كوكشەتاۋداعى «تىنىس» زاۋىتى وبلىستىق دەنساۋلىق ساقتاۋ باسقارماسىنا وسىنداي اپپاراتتىڭ 77-ءسىن تاپسىردى. قورعالجىن اۋدانىنىڭ مەديتسينا قىزمەتكەرلەرى Dauletten قايىرىمدىلىق قورىنان 4 وتتەگى كونتسەنتراتىن الدى. ماكينسك قۇس فابريكاسى ءدارى-دارمەك ساتىپ الۋ ءۇشىن 7 ملن تەڭگە ءبولدى.

ۇستىمىزدەگى جىلدىڭ العاشقى جارتى جىلدىعىندا «ۆولون­تەر­لەردى قولداۋ ورتالى­عى­نىڭ» وبلىستىق فرونت-ءوفيسى قوز­عا­لى­ستى دامىتۋعا باعىت­تال­عان بىرقاتار ءىس-شارالار وتكىزدى. ونىڭ ىشىندە «جاقسىلىق جولى» اكتسياسى، «ۇيدە بىرگە وقيمىز» چەللەندجى، ء«بىر ەل، ءبىر تاعدىر» ءتارىزدى مازمۇندى شارالاردى ايتا كەتۋگە بولادى. «ەرلىككە تاعزىم» چەللەندجى ءمانى مەن مازمۇنى جاعىنان الىپ قاراعاندا ايتا قالارلىقتاي شارا بولدى.

جامان تۇماۋ جان القىمنان العان كەزدە پسيحولوگيالىق كومەكتىڭ دە قاجەت بولعاندىعىن ايتا كەتۋىمىز كەرەك. وبلىستىق ىشكى ساياسات باسقارماسى مەن اقمولا وبلىستىق ازاماتتىق اليانسى بىرلەسە وتىرىپ، پسي­حو­لوگيالىق قولداۋ قىزمەتىن ۇيىمداستىردى. تۇس-تۇستا راس-وتىرىگى بەلگىسىز، ادام جانىن تۇرشىكتىرەتىن ءتۇرلى حابار ءورشىپ تۇرعان ۋاقىتتا ەلدى ساباسىنا ءتۇسىرۋ ءۇشىن تالاي جۇمىس اتقارىلدى. تاجىريبەلى جەتى پسيحولوگ ۋاقىتپەن ساناسپاي قىزمەت ەتتى. بۇل ىستەن ەرىكتىلەردى قولداۋ ورتالىعىنىڭ وكىلدەرى دە شەت قالعان جوق. جۇمىس ۋا­قى­تىندا قولداۋ قىزمەتىنە 80-نەن استام ادام جۇگىندى. تاقىرىپ تا ۋاقىتشا قيىندىق تۋراسىندا. جامان تۇماۋعا بايلانىس­تى جاعداي، وتباسىلىق قارىم-قاتىناستىڭ بىرقاتار كۇردەلى ماسەلەلەرى تولعاندىرعان ادامدار ءۇمىت ءجىبىن جالعادى.

«زۆەزدنىي» بالالاردى سا­ۋىق­تىرۋ ورتا­لىعىندا ۆولونتەر­لەر قاتەرلى ىسىككە شالدىققان 14 جاسقا جان جىلۋىمەن دەمەۋ بولدى. سونداي-اق الەۋمەتتىك جاعىنان از قورعالعان جاستارعا دا ومىردەن ءوز ورنىن تابۋعا كومەك قولدارىن سوزدى. «فەنيكس» ەرىكتىلەر ورتالىعى مۇمكىندىگى شەكتەۋلى جاندارعا كومەك كور­سەتۋ بويىنشا ديسپەتچەرلىك قىز­مەت جوباسىن ۇيىمداستىردى. بۇل ورايدا دا سۋساپ وتىرعان سۇرانىس بار ەكەن. تاۋلىگىنە 100-گە جۋىق جاس حابارلاسىپ، باعىت-باعدار الدى. ەل ىرگەسىن بەكىتۋگە، جاستاردى جاقسىلىققا جۇمىلدىرۋعا باعىتتالعان ءتاپ-ءتاۋىر شارا جاقسى ناتيجە بەردى. ماسەلەن، چاگلينكا جوعارى اگروتەحنيكالىق كول­لەد­جىنىڭ ءبىلىم الۋشىلارى «سە­زىم­تال جۇرەكتەر» اكتسياسىن ۇيىم­داس­تىرىپ، كوللەدجدىڭ اۋىر ناۋ­قاس­قا شالدىققان ءبىلىم الۋشىسىنا قاراجات جيناۋ ءۇشىن كوممەرتسيالىق فۋتبول ماتچىن ۇيىمداستىردى. مەن جاقسىلىق جاساسام ەكەن دەيتىن جان جادىراتار ىزگى نيەتتىڭ كوپتىگى بۇل جولى دا بايقالدى. اتالعان اكتسياعا 150-دەن استام ادام قاتىسىپ، كومەك قولىن سوزدى.

جاستار رەسۋرستىق ورتالى­عى­نىڭ ۇيىتقى بولۋىمەن ەكولوگيالىق اكتسيالار جۇيەلى تۇردە جۇرگىزىلدى. مەكتەپ وقۋ­شى­لارى، كوللەدجدەر مەن جوعارى وقۋ ورىندارىنىڭ ستۋدەنتتەرى ءىس-شارالارعا بەلسەنە قاتىسىپ، ءبىلىم وشاقتارىنىڭ، مەكتەپكە دەيىنگى مەكەمەلەردىڭ، قارتتار ۇيلەرىنىڭ، ۇلى وتان سوعىسى ارداگەرلەرىنىڭ اۋلالارىن تازالادى. وتكەن قاقاعان قىستا دا وسىنداي كومەك كورسەتىلىپ، 50 تونناعا جۋىق قار شىعارىلدى. ءسويتىپ، جاس تولقىن 1 319 زەينەتكەرگە، جالعىزىلىكتى جاندارعا جاناشىرلىق كورسەتتى. ۇستى­مىز­دەگى جىلدىڭ مامىر ايىن­دا ء«ومىر جولى» قوعامدىق قورى «ميراس» قورىمەن بىرلەسە وتىرىپ، «وزىڭە سەن» جوباسىن ىسكە اسىرۋعا كىرىستى. قيىن جاعدايعا تاپ بولعان ەلدەستەرىنە كومەك قولىن سوزدى. ناتيجەسىندە 56 مۇقتاج ادام جاستاردىڭ جان جىلۋىن سەزىنىپتى.

جاقسى ءىستىڭ تاعى ءبىر ارناسى – «بابالار ەسكەرتكىشتەرى – ۇرپاققا امانات» جوباسى. اتا مۇراسىنا ادال جاستار وڭىردەگى تاريحي ورىنداردى قوقىستاردان تازارتىپ، كۇتىمگە الدى. ەل ىشىندە ەكولوگيالىق مادەنيەتتى ناسيحاتتاۋ جۇمىستارىن جۇرگىزدى. 300-دەن استام ەرىكتىنى قامتيتىن 25-كە جۋىق ەكولوگيالىق سەنبىلىكتەر ۇيىمداستىرىلدى. ۇلى جەڭىستىڭ 75 جىلدىعىنا وراي ۇلى وتان سوعىسىنىڭ وبەليسكىلەرى مەن ەسكەرتكىشتەرىن سىرلاپ، اقتاپ، اباتتاندىردى. وسى ءبىر جاناشىرلىق قيمىلدان-اق ەل وتكەنىنە دەگەن ەرىكتى جاستاردىڭ جۇرەك قالاۋىن اڭعارۋعا بولادى.

 

اقمولا وبلىسى

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار