اباي • 22 قىركۇيەك، 2020

ومبىدا "اباي" مادەني-ىسكەرلىك ءۇيى اشىلدى

24 رەت كورسەتىلدى

بۇگىن رەسەيدىڭ ومبى قالاسىندا وسى ەلدەگى قانداستارعا قولداۋ كورسەتەتىن "اباي" مادەني-ىسكەرلىك ءۇيى اشىلدى، - دەپ حابارلايدى Egemen.kz "وتانداستار قورىنىڭ" ءباسپاسوز قىزمەتىنە سىلتەمە جاساپ.

"اباي" مادەني-ىسكەرلىك ءۇيى 4 باعىت بويىنشا جۇمىس ىستەيدى. ءبىرىنشى باعىتى مادەني-گۋمانيتارلىق جانە قازاق ءتىلىن ۇيرەتۋ جوبالارىن قامتىسا، ەكىنشى "اتامەكەن" ىسكەرلىك  باعىتى بويىنشا قانداستاردىڭ ەكى جاقتى ءتيىمدى بيزنەس جوبالارىنا قولداۋ كورسەتىلەدى. ءۇشىنشى "جاس قازاق" باعىتى ارقىلى الەمدەگى جاس قانداستاردى ەلگە تارتۋ، بىرلەسكەن جوبالاردى جۇزەگە اسىرۋ كوزدەلگەن. ءتورتىنشى "اتاجۇرت" باعىتى ارقىلى شەتەلدەگى قازاق ءتىلدى باق-تىڭ قاۋىمداستىعىن قۇرىپ، ءوزارا اقپاراتتىق ىنتىماقتاستىقتى ارتتىرۋ جوسپارلانىپ وتىر. "اباي" مادەني-ىسكەرلىك ۇيلەرى جىل سوڭىنا دەيىن  وزبەكستاننىڭ تاشكەنت، تۇركيانىڭ ستامبۋل، قىرعىزستاننىڭ بىشكەك، گەرمانيانىڭ بەرلين قالالارىندا دا اشىلماق. بۇل قر اقپارات جانە قوعامدىق دامۋ مينيسترلىگى، دۇنيەجۇزى قازاقتارى قاۋىمداستىعى جانە "وتانداستار قورىنىڭ"  بىرلەسكەن جوباسى.

1

ومبىداعى "اباي" مادەني-ىسكەرلىك ءۇيىنىڭ عيماراتى قالانىڭ ورتالىعىنداعى شوقان ۋاليحانوۆ كوشەسىنىڭ بويىندا جانە اعارتۋشى عالىم وقىعان ومبى كادەت كورپۋسىنىڭ جانىندا ورنالاسقان.

ورتالىقتىڭ ونلاين تۇردە وتكەن اشىلۋ راسىمىنە قر اقپارات جانە قوعامدىق دامۋ ۆيتسە-ءمينيسترى م. ءازىلحانوۆ جانە رف ومبى وبلىسى ۇكىمەتىنىڭ وڭىرلىك ساياسات جانە بۇقارالىق كوممۋنيكاتسيا ءمينيسترىنىڭ ورىنباسارى يۋ. نازارەنكو، قر رف ومبىداعى باس كونسۋلى ە. سۇگىربەكوۆ. "وتانداستار قورى" كەاق ۆيتسە-پرەزيدەنتى م. سارباسوۆ قاتىسىپ، ءوز قۇتتىقتاۋلارىن جەتكىزدى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار