ايماقتار • 19 قىركۇيەك، 2020

شىمكەنتتە جالپىقالالىق سەنبىلىككە 30 مىڭنان استام ادام قاتىستى

37 رەت كورسەتىلدى

World clean up day دۇنيەجۇزىلىك اكتسياسى اياسىندا شىمكەنت قالاسىندا سەنبىلىك ءوتتى، دەپ حابارلايدى Egemen.kz.

دۇنيەجۇزىلىك اكتسيانىڭ ماقساتى - ەكولوگيالىق ءبىلىمدى ارتتىرۋ جانە قورشاعان ورتانىڭ لاستانۋىنا جول بەرمەۋ.

اتالعان سەنبىلىككە قالا اكىمى مۇرات ايتەنوۆ، قالا اكىمى اپپاراتىنىڭ جانە ءماسليحات اپپاراتىنىڭ قىزمەتكەرلەرى قاتىسىپ، دەندروساياباق اۋماعىنا تازالىق جۇمىستارىن جۇرگىزدى.

سونداق-اق، شاھار باسشىسى دەندرولوگيالىق ساياباقتاعى تۇقىم باعىن ارالاپ، وتىرعىزىلعان كوشەتتەردى كوردى.

بيىل ساياباققا گەندىك قوردى كوبەيتۋ ءۇشىن جاڭا اعاش تۇرلەرىنىڭ 42 تۇرىنەن جاڭا كوشەت، 39 تۇرىنەن 5 341 دانا اعاش-بۇتا وتىرعىزىلعان بولاتىن. ال تۇقىمباقتا 62 اعاش تۇرلەرىنەن 8469 ءتۇپ كوشەت وسىرىلۋدە.

ودان وزگە سەنبىلىك كەزىندە قۇرىلىمدىق باسقارمالار مەن اۋماقتىق ورگاندار قالا كوشەلەرىندە، جەرگىلىكتى اۋدان اكىمدەرى كوممەرتسيالىق نىسان قىزمەتكەرلەرىنىڭ، كاسىپورىن ۇجىمدارىنىڭ، اۋىل بيلەرى مەن كوندومينيۋم نىساندارىنىڭ توراعالارىن تارتا وتىرىپ تۇرعىن ءۇي اۋلالارىنىڭ تازالاۋ جۇمىستارىن جۇرگىزدى.

سونىمەن قاتار، ەرىكتىلەر جىلىنا وراي اكتسيانىڭ وتۋىنە 100 -گە جۋىق قالالىق جاستار ورتالىعىنىڭ ماماندارى مەن جاستار ۇيىمدارىنىڭ بەلسەندىلەرى ات سالىستى. ولار شىمكەنت قالاسى بويىنشا ەكولوگيا دەپارتامەنتى قىزمەتكەرلەرىمەن بىرگە بادام وزەنى اۋماقتارىن تازالاپ، قوقىستاردى تۇرىنە قاراي بولەك جينادى.

ءىس-شاراعا جالپى 30 000-نان استام ادام قاتىسىپ، 60-قا جۋىق قوقىس تاسىمالدايتىن جانە ارتاتىن تەحنيكالار جۇمىلدىرىلدى.

قالالىق قوقىس پوليگونىنا 220 توننادان استام قوقىس شىعارىلدى.

ايتا كەتۋ كەرەك، بارلىق جۇمىستار سانيتارلىق-ەپيدەميولوگيالىق تالاپتاردى ساقتاي وتىرىپ جاسالىندى.

سوڭعى جاڭالىقتار

29 قازاندا سەنات وتىرىسى وتەدى

پارلامەنت • بۇگىن، 17:57

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

ۇقساس جاڭالىقتار