"وكىنىشكە قاراي, مەملەكەتتىك ورگانداردىڭ "اشىق ۇكىمەت" ينتەرنەت-پورتالىنا سىن ايتۋعا تۋرا كەلىپ وتىر. اقتوبە, اتىراۋ, جامبىل, ماڭعىستاۋ وبلىستارىنىڭ اكىمدىكتەرى دەرەكتەرىنىڭ جاڭارۋى 60 پايىزدان دا تومەن ەكەن. بۇل ماسەلەنى تۇراقتى تۇردە سارالاپ وتىرۋ كەرەك. ويتكەنى پرەزيدەنت وسىنداي تالاپ قويىپ وتىر", دەدى ا.بالاەۆا.
بۇدان وزگە ۆەدومستۆو باسشىسى كۆازيمەملەكەتتىك سەكتور سالاسىنداعى اقپارات اشىقتىعىن باقىلاۋعا الۋدى جانە بۇل ماسەلەگە نەمقۇرايدى قاراپ وتىرعان باسشىلاردى جاۋاپقا تارتۋ كەرەكتىگىن العا تارتتى.
ء"بىز كوميسسيا وتىرىسىندا وسى ماسەلەگە نەمقۇرايدى قاراپ وتىرعان مەملەكەتتىك ورگانداردى تىڭدايمىز. ەگەر ەشقانداي ناتيجە بولماسا, بۇل ماسەلەگە قاتىستى ءبىزدىڭ دە, كوميسسيانىڭ ۇسىنىستارى بولادى. بۇل − باسشىلاردى جاۋاپقا تارتۋ ماسەلەسى. ەندى قايتا-قايتا ءبىر ماسەلەنى ايتا بەرۋگە بولمايدى عوي. سەبەبى كوميسسيادا ءبىرتالاي وسى ماسەلە كوتەرىلدى. سوندىقتان بۇل جۇمىستى جەتىلدىرۋ كەرەك. ورتالىق جانە جەرگىلىكتى مەملەكەتتىك ورگانداردىڭ باسشىلارى وسى ماسەلەنى باقىلاۋعا الۋى قاجەت", دەدى اقپارات جانە قوعامدىق دامۋ ءمينيسترى.
