قوعام • 14 قىركۇيەك، 2020

قازاقستان مەن سلوۆاكيا اراسىنداعى عىلىمي ىنتىماقتاستىق نىعايا بەرەدى

8 رەت كورسەتىلدى

براتيسلاۆادا قازاقستان رەسپۋبليكاسى ۇلتتىق عىلىم اكادەمياسى مەن سلوۆاك عىلىم اكادەمياسى اراسىنداعى عىلىمي ىنتىماقتاستىق تۋرالى كەلىسىمگە قول قويۋ ءراسىمى ءوتتى. قازاقستاندىق تاراپتان قۇجاتقا قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى مۇرات جۋرينوۆ، سلوۆاكيا جاعىنان سعا پرەزيدەنتى − پاۆول شايگاليك قول قويدى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

كەلىسىمنىڭ جاسالۋى قازاقستان مەن سلوۆاكيانىڭ عىلىمي قوعامدارى اراسىنداعى ىنتىماقتاستىقتى نىعايتۋعا، سونىڭ ىشىندە ىرگەلى جانە قولدانبالى زەرتتەۋلەر سالاسىندا ءار ءتۇرلى باعىتتا بىرلەسكەن زەرتتەۋلەر جۇرگىزۋگە، PhD دەڭگەيىندە وقۋ جانە قازاقستاندىق عىلىمي قاۋىمداستىقتىڭ وكىلدەرىنە پوستدوكتورانتۋرادا جۇمىس ىستەۋگە مۇمكىندىك بەرەدى.

كەلىسىم شەڭبەرىندەگى ىنتىماقتاستىق جونىندەگى پەرسپەكتيۆالىق ءىس-شارالار بىرلەسكەن جوبالار، جوبالىق قولداۋ نەگىزىندە عىلىمي-زەرتتەۋ قىزمەتى مەن عالىمدارمەن الماسۋ تۇرىندە جۇزەگە اسىرىلادى.

ەكى عىلىم اكادەمياسى اراسىندا كەلىسىم جاساسۋ يدەياسى الدىمەن قازاقستاننىڭ سلوۆاكياداعى ەلشىسى رومان ۆاسيلەنكو مەن سعا پرەزيدەنتى پ. شايگاليكتىڭ اعىمداعى جىلدىڭ 19 مامىرىندا بولعان كەزدەسۋىندە تالقىلاندى. 

ء«بىز بۇل كەلىسىمگە قول قويۋ قويناۋىندا مەندەلەەۆتىڭ بۇكىل پەريودتىق جۇيەسى بار قازاقستاننىڭ عىلىمي جانە ەكونوميكالىق الەۋەتىنىڭ ارقاسىندا بولاشاعى زور ىنتىماقتاستىق جولىنداعى تەك العاشقى قادام دەپ سانايمىز»، − دەدى پ. شايگاليك. «كوروناۆيرۋس پاندەمياسى سالدارىنان تۋىنداعان شەكتەۋلەر الىنىپ تاستالعاننان كەيىن، العاشقى مۇمكىندىك پايدا بولعان ساتتە جۇزبە-ءجۇز كەزدەسۋلەرىمىزدى قۋانا ۇيىمداستىراتىن بولامىز». 

ءوز كەزەگىندە قازاقستاننىڭ سلوۆاكياداعى ەلشىسى رومان ۆاسيلەنكو، «مەن، اكادەميالاردىڭ باسشىلارىن، مۇرات جۋرينوۆ پەن پاۆول شايگاليكتى، ەكى ەلدىڭ عىلىمي قوعامداستىعىن وسى ماڭىزدى قاداممەن شىن جۇرەكتەن قۇتتىقتاعىم كەلەدى»، - دەپ اتاپ ءوتتى. «ادەتتە، عىلىم ادامدارى ءوزىنىڭ ءىس-ارەكەتتەرىندە جىلدامدىقتى قالاماي، ىرگەلى جانە بايسالدى شەشىم قابىلدايدى. بىراق ەكى عىلىم اكادەمياسىنىڭ كەلىسىم جاساۋ تۋرالى شەشىم قابىلداۋى مەن ونى تۇبەگەيلى جانە ساپالى تۇردە دايىنداۋ جىلدامدىعى بۇل ءميفتى جوققا شىعارىپ، تەرەڭ قۇرمەت سەزىمىن تۋدىرىپ، بىزگە لايىقتى ۇلگى بولدى. مەن ىنتىماقتاستىقتىڭ ءوزى دە بۇدان ءارى ءدال وسىلاي تەز، مۇقيات جانە ءوزارا ءتيىمدى نەگىزدە داميدى دەپ سەنگىم كەلەدى».

سلوۆاك اكادەمياسى قۇرامىندا ءار ءتۇرلى پروفيلدەگى 3 مىڭعا جۋىق قىزمەتكەر جۇمىس ىستەيتىن 45 تاۋەلسىز عىلىمي-زەرتتەۋ ينستيتۋتتارى بار. اكادەميا ءبىلىم بەرۋ ۇردىسىنە بەلسەندى قاتىسىپ، ونىڭ قابىرعاسىندا 500-گە جۋىق PhD دوكتورانتتار وقۋدا، ونىڭ ىشىندە 35 شەتەلدىك ازامات بار.

قازىرگى ۋاقىتتا ەۋروپالىق وداقتىڭ «Horizon-2020» باعدارلاماسى اياسىندا سلوۆاك عىلىم اكادەمياسىنىڭ گەوتەحنيكا ينستيتۋتى مەن نازارباەۆ ۋنيۆەرسيتەتىنىڭ جانۋ ماسەلەلەرى ينستيتۋتى اراسىندا نانوپوروزدى جانە نانوقۇرىلىمدىق ماتەريالداردى مەديتسينالىق سالادا قولدانۋ جوباسى بويىنشا عىلىمي ىنتىماقتاستىق جۇزەگە اسىرىلۋدا.

سوڭعى جاڭالىقتار

ۇقساس جاڭالىقتار