كەزدەسۋ بارىسىندا تاراپتار ەكىجاقتى ىنتىماقتاستىقتىڭ كەڭ اۋقىمدى ماسەلەلەرى, "قازمۇنايگاز" ۇك اق جانە "Petronas" سەرىكتەستىگىنىڭ پەرسپەكتيۆالىق باعىتتارىن تالقىلادى. سونداي-اق قازاقستان رەسپۋبليكاسىنىڭ ينۆەستيتسيالىق كليماتى تۋرالى اقپارات بەرىلدى. سونىمەن قاتار س.وتەباەۆ اتىنداعى اتىراۋ مۇناي جانە گاز ۋنيۆەرسيتەتى مەن "Petronas" تەحنولوگيالىق ۋنيۆەرسيتەتى اراسىنداعى ىنتىماقتاستىقتى دامىتۋ جولدارى قاراستىرىلدى.
پاندەمياعا قاراماستان, تاراپتار مۇناي مەن گاز سالاسىنداعى ەكىجاقتى ىنتىماقتاستىقتى دامىتۋدىڭ ۇلكەن الەۋەتىن اتاپ ءوتىپ, بۇل قازاقستاندىق جانە مالايزيالىق كومپانيالار اراسىنداعى قاتىناستاردىڭ جاندانا تۇسۋىنە قوسىمشا سەرپىن بەرىپ, تەحنولوگيالىق ىنتىماقتاستىق مۇمكىندىكتەرىن كەڭەيتەتىنىنە نازار اۋداردى.
