تاعايىنداۋ • 14 قىركۇيەك، 2020

الماتى قالاسىنىڭ مەدەۋ اۋدانىنا جاڭا اكىم تاعايىندالدى

36 رەت كورسەتىلدى

الماتى قالاسىنىڭ اكىمى باقىتجان ساعىنتاەۆتىڭ وكىمىمەن، پرەزيدەنت اكىمشىلىگىنىڭ جانە قالا ءماسليحاتىنىڭ كەلىسىمى بويىنشا اسەت ماساباەۆ مەدەۋ اۋدانىنىڭ اكىمى بولىپ تاعايىندالدى، دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

اسەت ماساباەۆ 1985 جىلى تۋعان. الماتىداعى ەنەرگەتيكا جانە بايلانىس ينستيتۋتىنىڭ، ەكونوميكا جانە قۇقىق اكادەمياسىنىڭ، ماسكەۋ قالاسىنداعى رەسەيلىك حالىقتار دوستىعى ۋنيۆەرسيتەتىنىڭ تۇلەگى.

ەڭبەك جولىن 2007 جىلى "الماتى ەلەكتر ستانتسياسىندا" ەلەكترومونتەر بولىپ باستادى. 2008 جىلدان 2010 جىلدارى "ناز" جشس-دە باس ەنەرگەتيك، "الماز جانە كيۋس" جشس-دە تەحنيكالىق ديرەكتورى بولدى. 2010 جىلدان 2013 جىلدارى الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىندا جەتەكشى ماماننىڭ مىندەتىن اتقارۋشىدان ەنەرگيا،جىلۋمەن قامتۋ ءبولىمىنىڭ باستىعىنا دەيىنگى جولداردان ءوتتى.

ءار جىلدارى جەتىسۋ جانە مەدەۋ اۋداندارى اكىمدەرىنىڭ ورىنباسارى، الماتى قالاسى اكىمىنىڭ باس ينسپەكتورى، قالانىڭ تابيعي رەسۋرستار جانە تابيعاتتى پايدالانۋ باسقارماسىنىڭ، ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى بولدى.

2019 جىلدىڭ ءساۋىر ايىنان باستاپ الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى قىزمەتىن اتقاردى.



سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار